Tinies big adventure

2009-10-01T18:50:00.002Z

Fann snilldar viðbót við Nautilus (skráarstjórinn í Ubuntu) í dag: nautilus-image-converter. Þetta bætir inn resize og rotate aðgerðunum úr ImageMagic inn í hægrismelli valmyndina í Nautilus. Mjög þægilegt að nota til að minnka margar myndir í einu. Mæli með því.

2008-11-18T17:23:00.001Z

Epík!

2008-02-11T17:21:00.000Z

Jæja, langt um liðið og frá mörgu að segja. Eins og þið vitið eflaust flest þá er ég fluttur til Danmerkur og bý núna hjá kærustunni minni á Øresunds kollegíinu á Amagaer. Ég flaug hingað 16. janúar síðastliðinn og eru því að verða fjórar vikur frá því að ég flutti. Það hefur tekist ágætlega að aðlagast lífinu hér í Kaupmannahöfn, og hefur allt lagst á eitt með að gera lífið sem auðveldast hérna. Veðrið hér hefur til að mynda verið jafn gott og það er búið að vera leiðinlegt á Íslandi, hiti á bilinu 5-12° og hægviðri. Helgi og Unnur komu svo hingað til Køben í viku æfingaferð, en þau eru svo að spila á tónleikum með Teit hér um næstu helgi. Ég hitti þau því næstum jafn mikið og áður en ég flutti út.

Ég byrjaði í upprifjunarkúrs í stærðfræði í DTU strax og ég kom út, og það hefur reynst vera hin fínasta dönsku kennsla. Öll kennslan fer fram á dönsku og allir nemarnir verða að gjöra svo vel og fara upp að töflu hverjum einasta tíma og reikna dæmi og útskýra á dönsku! Það hefur gengið vonum framar verð ég að segja, tölurnar eru það eina sem maður ruglast alltaf í. 24 verður 42 í glósunum og svo skilur maður ekkert þegar maður fer að lesa dæmin eftir á, en þetta kemur allt með kalda ölinu.

Tengdaforeldrarnir gáfu okkur Líneyju gamla bílinn sinn, og sendi ég hann hingað með Atlantsskipum. Þetta gerði mér kleift að flytja dótið mitt hingað út á ódýran og þægilegan hátt... alveg þangað til tollurinn hér úti komst í hann. Það tók svo 5 daga af símtölum og almennum leiðinum að fá bílinn og dótið úr tollinum. Þeir hjá tollinum þóttust loks finna einhverja undanþágu sem væri hægt að nota, og þannig gætum við fengið bílinn. Þessi undanþága var auðvitað bara það sam við höfuð verið að segja þeim allan tímann. En hvað um það, við fengum bílinn án þess að borga, og það er það sem skiptir mestu máli.

Á miðvikudaginn síðasta byrjuðum við svo á swing námskeiði, eftir bara einn tíma þá erum við ekki orðin alveg svona góð, en við verðum það pottþétt eftir þann næsta.

Ég keypti mér svo auðvitað hjól fyrir peningan sem þið gáfuð mér í afmælisgjöf, takk fyrir það. Þetta er auðvitað mikið snilldar hjól, og eins og veðrið hefur verið þá hefur maður enga afsökun fyrir því að nota það ekki. Ég fer því flestra minna ferða hjólandi núna (ég keyri samt í skólann, en það tekur um klukkutíma að hjóla hvora leið og mér finnst bara ekki taka því að hjóla í tvo tíma fyrir þrjá tíma af stærðfræði. Svo verður maður líka svo sveittur af því að hjóla með bakpoka).

Á morgun ætla ég svo á fyrstu karateæfinguna hér úti. Ætlaði að vera löngu byrjaður, en svona er þetta bara. Ég ætla að byrja að skoða dojoið sem er næst okkur, en það er klúbbur í Fredriksberg. Þeir eru með tvær svartbeltara æfingar í viku, og það er fínt að byrja bara á þeim, ég sé svo til hvort ég bæti við mig einhverjum auka æfingum til viðbótar við það.

2007-12-22T02:37:00.001Z

Íbúðin mín er til leigu! Meira á vetur.net

2007-11-03T14:04:00.000Z

Það kom loksins að því að ég gæfist upp á gamla servernum mínum. Vetur.net hefur verið hýstur á bilaðri tölvu alltof lengi. Ég skellti mér því á partalistann og fann mér þar fína tölvu til að setja upp sem server. Vélbúnaðurinn er mjög svipaður því sem hann var á gamla servernum, en vonandi öllu stabílli.

Ég ákvað að nota tækifærið og uppfæra hugbúnaðinn í leiðinni og setti því upp Ubuntu 7.10 á henni og er að setja upp nýjasta Gallery hugbúnaðinn. Það verður svo að koma í ljós hvað það á eftir að taka mig langan tíma að fá öll gömlu albúmin inn aftur. Gagnagrunnurinn fyrir gamla gallerýið var orðinn skemmdur eftir að vélin fraus á meðan ég var að uploada myndum inn á hann. Þið þurfið samt ekki að hafa neinar áhyggjur af gömlu myndunum, þær eru allara geymdar á vísum stað. Gallerýið verður vonandi orðið aðgengilegt á vetur.net einhverntíman um helgina.

2007-10-14T00:46:00.001Z

Damn!

2007-09-27T10:12:00.001Z

2007-09-24T20:33:00.001Z

Allt að gerast!

2007-09-15T00:52:00.000Z

Algjör snilld! Vildi að ég gæti teiknað svona.

2007-09-11T12:23:00.000Z

Flashback!

2007-09-10T15:14:00.000Z

Christianity:
The belief that some cosmic Jewish Zombie can make you live forever if you symbolically eat his flesh and telepathically tell him that you accept him as your master, so he can remove an evil force from your soul that is present in humanity because a rib-woman was convinced by a talking snake to eat from a magical tree.

2007-09-06T13:41:00.001Z

Í dag eru þrír mánuðir síðan ég hitti Líneyju í fyrsta skipti.

2007-07-24T15:36:00.000Z

Þessi er soldið góður að klifra.

Það kemur svo ekkert á óvart að þessi gaur dó stuttu seinna.

2007-07-09T10:15:00.000Z

Á fimmtudaginn, daginn áður en við lögðum af stað heim frá Kosovo fórum við Jói í hellaferð. Einhver á flugvellinum hafði sagt Jóa frá flottum helli sem væri að finna rétt suður af Prishtinë. Við fengum leiðbeiningar hjá honum um hvernig ætti að finna hellinn og lögðum svo af stað vopnaðir GPS tæki og myndavél.

Leiðbeiningarnar sem við fengum voru ekki betri en svo að við þurftum að stoppa nokkrum sinnum og spyrja til vegar. Þeir mega eiga það Albanirnir að þeir voru mjög hjálpsamlegir og allir af vilja gerðir að leiðbeina okkur á rétta leið, jafnvel þeir sem töluðu ekki stakt orð í ensku, og ekki nema eitt og eitt orð í þýsku. Eftir góðan bíltúr fundum við hellinn (og logguðum leiðina í GPSið. Þetta verður allt komið á openstreetmap.org innan tíðar).

Það kostaði 2 evrur á mann að fara í hellinn, en það er mjög dýrt á Kosovo mælikvarða. Sambærilegt við að borga 5-6000 kr. fyrir sambærilegt hér heima. Innifalið í þessum tveim evrum var um klukkutíma ferð í gegnum hellinn með leiðsögumanni. Leiðsögumaðurinn okkar má eiga það að hann þekkti hellinn mjög vel, og gat bent okkur á allt það áhugaverðasta og hvaðan væri best að taka myndir og svo framvegis. Eini gallinn var að hann talaði sára litla ensku, og þýskan mín hefur bara aldrei verið neitt sérstaklega góð. Leiðsögnin hans fór því soldið fyrir ofan garð og neðan. Það kom þó ekki að sök því hellirinn er gríðarlega fallegur, og fyllilega ferðarinnar virði. Ég átti í smá vandræðum með myndavélina fyrst, og óttaðist í smá stund að ég gæti ekki tekið neinar myndir. En eftir að hafa tekið úr henni battarýið þá komst hún í lag (takk fyrir ábendinguna Jói!) og ég gat tekið fullt af myndum. Smellið á myndina hér að neðan til að komast í albúmið.

Það er smá síða á Wikipedia um þennan helli. Þið getið tékkað á henni, eða leitað að marble cave kosovo á google.

2007-07-06T10:23:00.000Z

Leiðin til Prizren er mjög falleg, en hún liggur um háa fjallgarða og djúpa dali. Mest hækkuðum við okkur um 1000 metra, og það á aðeins um 20 mínútum. Toyotunni okkar líkaði það ekkert alltof vel í hitanum, og neyddumst við til að slökkva á loftkælingunni síðustu kílómetrana svo hún ofhitnaði ekki. Sem betur fer var aðeins kaldara þarna uppi (einhversstaðar á bilinu 30-35 gráður) og því lifðum við þetta alveg af. Við vorum samt snögg að kveikja aftur á kælingunni þegar toppnum var náð. Útsýnið þarna úr hæðunum var frábært, enda vorum við komin langt frá menguinni í Prishtinë og orkuverinu í Obiliq.

Helgi og Helga tóku líka myndir.

Jói var guidinn okkar í ferðinni, enda þekkir hann Kosovo orðið eins og handarbakið á sér.

Þetta fiðrildi var ekki feimið, og naut athyglinnar frá ljósmyndaranum.

Á leiðinni urðum við vitni að þessum æsispennandi framúrakstri. Kosovo Harleyinn kom á rosalegri siglingu upp að traktornum, og fleygði sér svo til hliðar og rétt náði að forðast árekstur. Kúplingin í gólfið, skipt niður, inngjöfin í botn, vélin í redline og kúplingunni droppað. Vælið í dekkjun var ærandi og reykurinn blindandi. Þvílíkur frammúrakstur hefur ekki sést síðan Häkkinen tók svo eftirminnilega fram úr Schumacher á Spa hérna um árið.

Prizren er bara nokkuð falleg borg (mjög flott á Kosovo mælikvarða). Þar er smá miðbær, og mjög falleg gönguleið upp að virki sem horfi yfir borgina.

Eins og annarsstaðar í Kosovo, þá verða allir að eiga gerfihnattamóttakara. Smellið á myndina til að sjá hana í fullri stærð og telja diskana.

Á leðinni upp að virkinu er gengið fram hjá hverfi sem fór mjög illa í mars óeirðunum. Sennilega hefur þetta verið Serba hverfi.

Þessi fjölskylda var í nestisferð uppi í virkinu.

Eftir gönguferðina þarna upp eftir þá fengum við okkur kærkomna hressingu í formi ískalds Pejä. Við keyrðum svo aftur til Prishtinä og borðuðum kvöldmat á Gresa.

2007-06-27T17:27:00.000Z

Þriðjudagskvöldið 19. júní brunaði ég til Keflavíkur, á leið í fjórðu ferðina mína til Kosovo. Til að gera þetta 16 tíma ferðalag enn skemmtilegra, þá var ég með bullandi hálsbólgu. Ég bruddi því íbúfen og paracetamól þangað til ég stóð varla í lappirnar. Að því búnu fékk ég mér viskí. Mér til mikillar armæður uppgötvaði ég að það svíður all verulegt að drekka viskí ofan í sáran háls. Ég lét það þó ekki stoppa mig og kláraði úr glasinu. Áhrifin af því að blanda saman íbúfeni, parasetamóli og viskí, eru grúví. Ég sveif því á ljósbleiku vímuskýji inn í fyrsta flugið. Mér til mikillar gleði var fátt um farþega í þessu flugi, og því gat ég nælt mér í þrjú sæti og sofið mest alla leiðina til Köben. Þess má til ganmans geta að þetta mun vera í fyrsta skipti sem ég sef í flugvél. Í Kaupmannahöfn tók svo við þessi klassíska fjögurra tíma bið eftir næsta flugi. Þar var farið beint inn á næsta VIP lounge og etið og drukkið eins og íslendingum einum er lagið þegar þeir komast í ókeipis mat og drykk. Ég svaf að mestu leiti af mér flugin til Búdapest og Pristína líkt og flugið til Köben. Reyndar var þetta í fyrsta skipti sem ég kem til Ungverjalands, en þar sem ég sá ekkert nema flugstöðina þá telst það ekki með.

Við lenntum í Pristína um klukkan hálf fimm í eftirmiðdaginn (fórum klukkan eitt um nóttina frá Keflavík), og þar tók á móti okkur sól og blíða og 37° hiti. Þetta átti eftir svo að vera veðurlýsingin næstu vikuna. Heiðskírt, hiti á bilinu 35 - 39 gráður, en nokkur gjóla (sem betur fer). Ég bruddi paracetamól og íbúfen það sem eftir lifði dags og daginn þar á eftir, en eftir það lét ég bjórinn nægja. Ég varð samt ekki orðinn alminnilega góður í hálsinum fyrr en á sunnudeginum.

Á fimmtudag og föstudag voru venjulegir vinnudagar. Við vorum að koma heim um sex leitið, og þá voru opnaðir nokkrir Peja eða Lasko og svo farið út að borða. Á laugardaginn voru hins vegar tveir nemar settir í próf í turninum, og var það búið á hádegi, og þar sem við áttum frí á sunnudeginum, var ákveðið að keyra til Skopje og gista þar eina nótt. Í Skopje var 43° hiti, og það er bara ekkert grín að vera úti í svoleiðis hita, en rosalega smakkaðist bjórinn samt vel. Við gistum á sæmilegu hóteli sem heitir Mramor, þar var líka heitt. Loftkælingin í herberginu mínu kældi ekkert sérstaklega vel, en var þess mun betri í að búa til hávaða. Ég setti hana því bara í gang í um klukkutíma áður en ég fór að sofa og hækkaði bara vel í ipodinum á meðan.

Á sunnudeginum var byrjað á að fara í Ramstor, en það er stórt Moll í Skopje. Það er alveg þess virði að kíkja þangað ef þið eruð einhverntíman stödd í borginni. Þó ekki væri nema til að sjá almenningssalerni sem eru ekki bara hola í gólfinu eins og er venjan í Makedóníu. Ég keypti mér nýjan síma þarna (Nokia 6300), en gamli síminn minn var hættur að vilja hringja.

Eftir verslunarferðina héldum við svo aftur inn í Kosovo, en núna var förinni heitið til Prizren.

Framhald næst, en þangað til getið þið kíkt á nokkrar myndir sem ég er búinn að setja inn. Þær eru hér: myndir

2007-06-23T23:03:00.000Z

Jæja, kominn heim eftir viku dvöl í Köben. Stoppaði heima í 5 daga og flaug svo til Kosovo. Sit núna á alltof heitu hótelherbergi í Skopje.

Eins og fram kom hjá Stefáni bróður, þá var mikið fjör í Köbe, og það reyndar svo mikið að ég fór ekkert á Saabfestivalið eins og til stóð. Naut þess í stað lífsins í blíðunni í Danmörku með vinum og ættingjum. Móttökurnar hjá Stefáni voru höfðinglegar í meira lagi (eins og við var að búast, enda Stefán mikill höfðingi). Í mann var borinn matur og veigar sem jafnvel Burj Al Arab hefði verið stolt af að geta boðið gestum sínum upp á. Danska ölið var kneifað og því skolað niður með meira öli. Þegar ekki var hægt að koma meiru öli fyrir, þá var lagst í sólina þangað til nóg hafði gufað upp af manni, svo hægt væri að koma meiru öli fyrir.

Ég tók slatta af myndum í þessari ferð, en því miður get ég ekki sýnt ykkur þær fyrr en ég kemst heim til að endurræsa vetur.net (ég verð að fara að fá mér nýja tölvu, þessi er alls ekki nógu stabíl til að keyra vefþjón á). Hanna Lilja, vinkona Fríðar, tók líka fullt af myndum þessa viku, og ég slysaðist víst inn á einhverjar þeirra.

Blogga um Kosovo og Makedóníu ferð næst þegar ég kemst í netsamband. Er farinn að sofa núna. Góða nótt.

2007-06-06T12:41:00.000Z

Ég veit ekki með ykkur, en ég er farin til Köben.

2007-06-05T15:57:00.000Z

Sko brósa, hann er orðinn frægur í útlöndum:

en talentfuld charmetrold

2007-06-03T14:13:00.000Z

Ég veit ekki hvort þið tókuð eftir því, en fyrir nokkrum vikum bætti ég inn link á OpenStreetmap.org undir Ýmislegt hérna hægramegin á síðunni. Ef þið hafið ekki tékkað á þessu ennþá, þá mæli ég með því að þið gerið það núna.

Ég er að verða búinn að kortleggja allt Seltjarnarnesið (á nokkra göngustíga eftir og smá fíniseringar) og er kominn ágætlega af stað með vesturbæ Reykjavíkur. Ef þið eigið nýlegt Garmin gps tæki þá getið þið downloadað þessari skrá: gmappsupp.img og uploadað henni inn í folder sem heitir Garmin á minniskortinu í GPS tækinu (búið folderinn til ef hann er það ekki nú þegar, og takið afrit af þeim kortum sem kunna að vera þar áður en þið skrifið yfir eitthvað). Nú ættuð þið að geta valið þetta kort og séð það sem ég er búinn að kortleggja. Það er reyndar einhver böggur í þessu sem veldur því að göturnar sjást ekki nema það sé zoomað inn í 120 metra eða nær, en það hlítur að finnast lausn á því fljótlega.

2007-05-29T09:21:00.000Z

2007-05-26T16:37:00.000Z

Látum okkur nú sjá; Freysi og Úlfur eru í Tælandi, Birkir er í Tælandi, Berglind er í Tælandi (Tæland er greinilega mjög vinsælt um þessar mundir), Johnny er í Bandóðríkjunum, Helgi bróðir er í Austurríki og Stefán bróðir er í Danmörku. Það er greinilega ekki kúl að vera á Íslandi um þessar mundir. Nú þar sem ég er forfallin tískuhóra, þá vil ég ekki vera öðruvísi og keypti mér viku ferð til Danmerkur í gær.

Ég flýg út í hádeginu, miðvikudaginn 6. júní og á pantað flug heim þann 13. Það er svo bara tilviljun að amma er að fara út með þessu sama flugi, að Jóhann frændi sé með útskrifarsýningu úr dansskólanum á miðvikudeginu og fimmtudeginu, og að Saab festivalið sé í Trollhättan þá um helgina. Já svona geta þær verið skemmtilegar, tilviljanirnar.

Ég bloggaði um það fyrir stuttu síðan að mig langaði að læra að fljúga paraglider. Og er Tiny þekktur fyrir að sitja við orðin tóm? Nei það er sko eitthvað annað. Ég skráði mig því á námskeið hjá Fisfélagi Reykjavíkur. Námskeiði hófst á óformlegum fundi í Grund, félagsheimili Fisfélagsins, nú í morgun. Farið var yfir fyrirkomulag námskeiðsins, gengið frá skráningu og kennslugögn afhent. Þar sem veðrið var fínt, var okkur líka sýndur búnaðurinn í aksjón:

Á mánudaginn verður haldinn svokallaður Hafragrautur, en þá er keppt í lendingum (og búningum) við Hafrafell. Að keppninni lokinn er svo grillað og skemmt sér. Sem sagt kjörið tækifæri til að sýna sig og sjá aðra, og vonandi kynnast fólkinu í klúbbnum. Námskeiðið hefst svo í kjölfarið á þessu (það er því enn ekki of seint að skrá sig!). Ég get varla beðið. Vona bara að ég nái einhverjum flugdögum áður en ég fer út.

Ef að það skyldi hafa farið fram hjá einhverjum þá var Björk að gefa út nýja plötu um daginn. Hún heitir Volta og er algjör snilld, eins og allt sem frá Björk kemur. Enda er Björk snillingur og ofurhetja. Farið út í búð og kaupið Volta. Núna!

2007-05-17T16:06:00.000Z

Jæja búinn að bilanagreina CS-inn. Tölvan jarðtengir ekki bensíndælu relay-ið, og er því að öllum líkindum ónýt (það var ekki að sjá neitt sambandsleisi í tenginu inn á tölvuna). Ég prófaði líka að beintengja bensínsdæluna, en þá var hún líka ónýt. Þá prófaði ég að starta saabinum (ef ske kynni að time-outið á bensíndælunni væri að stríða mér), en þá gafst startarinn upp. Þessu til viðbótar er svo bensíntank upphengjan slitin og mótorpúðarnir eru orðnir mjög lélegir. Þessi Saab á því ekki nema eitt verk fyrir höndum. Hann verður að parta bíl. Fyrstu partarnir sem hann missir, verða gírkassinn og skipti búnaðurinn (gírstöngin, kúpplingin, o.s.frv.), en þeir eiga að fara í CD-inn minn.

Þar slæ ég því tvær flugur í einu höggi. Laga CD-inn og fækka Sööbunum mínum um einn. Þetta gerist kanski ekki á þann hátt sem ég hefði kosið, en niðurstaðan er sú sama.

2007-05-13T15:56:00.000Z

Kominn aftur heim. Þetta var bara fín ferð til Kosovo. Veðrið var frábært allan tímann (kom reyndar smá þrumuveður eitt kvöldið, en þá sátum við á Tirona og drukkum bjór og rake svo það skipti engu máli). Þjálfunin gekk vel, og það sem meira er, þá græjuðu Axel og Heimir ssh tengingu inn á heriminn, þannig að núna get ég loksins gert langþráðar uppfærslur á heriminum þeirra án þess að þurfa að fara þangað. Eins og með soldið margt þarna úti þá gerist ekki neitt fyrr en maður fær Íslendingana til að gera það (annað hvort það eða standa yfir Albönunum á með þeir framkvæma verkið). Alveg ótrúlegt hvað þeir geta verið metnaðarlausir stundum þarna niðurfrá.

Á laugardagskvöldið áður en ég fór út bilaði nýji fíni CSinn minn. Ég var að keyra á Bústaðaveginu á leiðinni í vinnuna, og þá bara dó hann. Púff. Mjög skrítið. Sem betur fór var Birkir ekki langt undan, og gat dregið mig heim og skutlað mér aftur í vinnuna. Ég fór svo til Kosovo snemma morguninn eftir og hafði því engan tíma til að kíkja neitt á bílinn. Núna er ég kominn heim og langar í bíltúr :( Ég á fimm saaba, og þeir eru allir bilaðir. Það er ekkert skemmtilegt. Mig vantar bílskúr til að gera við þá, og svo vantar mig að selja nokkra þeirra. Það er bara rugl að eiga fimm bíla sem geta ekkert keyrt. Jæja, ætli það sé ekki best að fara að kíkja á þetta. Svona Saabar laga sig víst ekki sjálfir.

2007-04-29T18:28:00.000Z

Vinna, karate, borða, sofa, vinna, karate, borða, sofa, páskar, Jóhann í óvæntri íslands heimsókn, páskaegg, ganga á Esju, borða, sofa, borða, sofa, borða, sofa, vinna, karate, borða, sofa, vinna karate, borða, sofa, borða, bíó, sofa, þvo bílinn, borða, sofa, vinna, karate, borða, sofa ...

og þar með er ég búinn að vinna upp fyrir blogg þurrð síðustu vikna.

Á sunnudaginn næsta er ég að fljúga aftur til Kosovo. Þetta er bara stutt ferð í þetta skiptið, 6 dagar. Það verður ágætt að komast aðeins í burt frá Flugstjórnarmiðstöinni. Smá tilbreyting. Dagpeningarnir skemma heldur ekkert fyrir.

Fyrst er það samt krefjandi vika hér heima. Nóg að gera í vinnunni, og Sensei George með æfingabúðir og gráðun, frá miðvikudeginum til laugardags. Þessi ferð suðreftir verður bara gott frí eftir það.

2007-03-14T23:21:00.000Z

Ég er búinn að vera svo andlaus eitthvað síðustu vikurnar að ég hef bara ekkert haft að segja. Kominn tími á að bæta úr því.

Ég stefni á að læra að fljúga í sumar. Langar að prófa svona paraglider, eða svifhlíf eins og þetta er víst kallað á íslensku. Reyndar líta svifdrekar ekkert illa út heldur. Sérstaklega ekki þegar þeim er flogið eins og í þessu videoi:

Svifhlífar eru samt miklu praktískari. Taka ekkert pláss samanborið við svifdrekana, og því mun auðveldara að kippa þeim með sér ef maður skreppur eitthvað út á land, eða jafnvel út fyrir landssteinana.

Svifdreka menn eru samt klárlega með betri tónlistarsmekk en svifhlífa fólkið:

2007-02-08T23:26:00.000Z

Ég hef verið að dunda mér við að vinna myndirnar frá Kosovo ferðinni í október, er búinn að setja það sem komið er inn á myndagallerýið.

Ég á alveg haug af myndum úr þessari ferð sem ég á eftir að vinna, þannig að það á eitthvað eftir að bætast við safnið.

Á sunnudaginn fór ég svo í maraþon hellaferð með Johnny og Ásgeiri, ungum frænda þeirra, og félögum úr Hellarannsóknarfélaginu. Fórum við í Búra, og var ætlunin að halda áfram að grafa og riðja til grjóti neðan við hraunfossinn, með að að leiðarljósi að opna leið áfram eftir rásinn, en ekki er ólíklegt að hún sé heillöng þar fyrir innan. Ekki tókst okkur að opna leið þarna í gegn í þetta skiptið, þrátt fyrir heiðarlega tilraun, en miklu af grjóti og sandi var rutt til. Eina sem við höfðum upp úr krafsinu að öll skriðan fyrir ofan okkur var orðin laus í sér og stórir hnullungar farnir að hreyfast, og var því orðið varasamt að reyna frekari tilfæringar að sinni.

Ferðin öll tók um 11 tíma og þar af voru 8 tímar inni í hellinum.

Myndir úr ferðinni eru komnar í gallerýið:

2007-01-22T21:56:00.000Z

Ég fór í stutta hellaferð með Ásgeiri og Steina á þriðjudagskvöldið. Fórum í austanátt og skafrenningi og vorum því feignastir þegar við komumst ofan í Litla-Björn. Það var alveg skafið yfir opið og þurftum við því að grafa niður af því. Það var sérstaklega óþægilegt þar sem opið er ofan í smá lægð, sem afur olli því að skafrenningurinn var beint í andlitið á þeim sem var að moka. Sem betur fer vorum við ekkert mjög lengi að finna opið.

Við Ásgeir vorum báðir með ný og öflug hellaljós og var hellirinn allur annar að sjá. Ekki sambærilegt að skoða hella einhverjum 1500 króna ljósum úr Útilíf, eða alvöru hellaljósum. Ljósið kostaði að vísu 310 dollara (27.000 hingað komið), en það er fyllilega þess virði ef maður ætlar í einhverja alvöru hellamennsku. Í ferðinni fundum við hliðargang sem okkur hefur alveg sést yfir hingað til, og það þrátt fyrir að hafa farið fjórum til fimm sinnum í gegnum hann áður. Þetta skrifast eingöngu á ljósin. Hliðargöngin voru um 50 - 70 metra löng og var frekar lágt til lofts í þeim alla leiðina. Varla meira en 120 cm þar sem hæst var og niður í um 40 centimetra þar sem þrengst var (nema auðvitað innst þar sem þau þrengdust niður í ekki neitt.

Þessi göng og nokkur smærri útskot eru ekki merkt inn á kortið af Litla-Birni sem er að finna í Íslenskir Hellar. Það væri gaman að fara einhverntíman og kortleggja hellinn upp á eigin spítur. Aðeins að kynnast svoleiðis vinnu. Þórisskriða yrði þá að sjálfsögðu mæld og teiknuð líka.

Þegar við vorum loks komnir í gegnum hellinn, eftir að hafa grannskoðað allar sprungur og glufur, var klukkan orðin það margt að við ákváðum að fresta því að fara í Tvíbotna, en það hafði verið á dagskránni að fara í hann líka.

Það var auðvitað skafið yfir opin í þessum enda hellisins líka og þurftum við því að grafa okkur upp úr honum líka. Fyrir ofan hellisopið var smá holrými undir snjónum, þegar ég stakk hausnum upp í það mátti heyra þungar drunu og hvin, og var strax ljóst að veðrið hafði versnað umtalsvert á meðan við vorum neðanjarðar. Það stóð líka heima að þegar við komum upp úr snjónum var bálhvasst og mikill skafrenningur. Var jafvel erfitt að fóta sig þegar upp var komið (hnédjúpur snjórinn átti reyndar þar hlut að máli, Seltirningar detta ekki svo létti í smá blæstri;).

Sem betur fer var bíllinn beint undan vindi frá efra opinu á Litla-Birni og því var gangan til baka ekki svo slæm. Fötin sem voru rök eftir hellinn voru bein frosin þegar við komum aftur í bílinni, og tókst mér ekki að opna rennilásinn á bakpokanum mínum fyrr en hann þiðnaði í bílnum.

Steini tók nokkrar myndir í ferðinni og setti myndasíðuna sína. Tékkið á þeim.

2007-01-21T00:50:00.000Z

For sale: Baby shoes, never used.

2007-01-13T02:35:00.000Z

Fyrir þau ykkar sem misstu af eða hafa ekki enn fengið nóg af halastjörnunni sem öllu tröllreið í vikunni, þá getið þið fylgst með henni á myndunum frá SOHO gervitunglinu.

...eða bara á myndinni hér fyrir neðan!

2006-12-28T00:11:00.000Z

Gleðileg jól öll sömul. Það var fyrir áætlanir mínar til annars, þá varð lítið úr jólafríi þetta árið. Þetta skrifast alfarið á deilu flugumferðarstjóra og Flugstoða og fyrri ég mig því allri ábyrgð. Hvað um það. Ég hef haft það gott um jólin. Fékk fullt af gjöfum og er búinn að belgja mig út af rjúpum, hangikjöti, kalkún og laufabrauði, jólaöli, konfekti og smákökum. Ég hef því ekki yfir neinu að kvarta... nema kanski því að planaðar hellaferið um jólin verða mun færri en ætlað var.

Skellti mér samt í eina stutta í kvöld með Einari frænda. Fórum upp í heiðmörk og skriðum í hellunum þar. Það var fínt. Kippti myndavélinni með, en sökum veðurs og aðstæðna þá varð minna um myndatökur en ég ætlað. Við tókum samt nokkrar myndir og afraksturinn er að finna hér: http://vetur.net/gallery2/v/Tiny/utivist/heidmork.

2006-12-13T21:46:00.000Z

Gimp-ið vinnur bara glettilega vel á Kosovo reyknum!

Vann þessa mynd er soldið meira heldur en hinar til að fá soldið krassandi mun fram. Hefði ekki unnið hana svona mikið ef ég hefði ætlað að láta hana standa eina og sér. Þetta sýnir samt vel hvað er hægt að gera með smá myndvinnslu. Ég eyddi ekki meiru en 10 mínútum í að gera þessa mynd, og þá er meðtalinn tíminn sem fór í að skeyta saman unnu myndinni og þeirri sem kom úr vélinni. Allir að ná sér í Gimp og fara að fikta í levels (undir tools>color tools)!

2006-12-07T20:50:00.000Z

Djöfull er gaman að vera búinn að koma myndagallerýinu í lag. Ég var alveg orðinn í spreng að fara að koma inn fleiri myndum. Var að henda inn tveimur albúmum núna. Þetta er bara forsmekkurinn af því sem koma skal! Mörg gígabæt af myndum sem ég þarf að koma inn á síðuna. Tékkið á hellaferðinni í Gjábakkahelli og fjallgöngunni á Hvalfell.

2006-12-06T00:25:00.000Z

Þetta er ekki fallegt. En svona getur víst gerst ef maður keppir í kvartmílu.

2006-12-04T23:08:00.000Z

Allt að gerast á vetur.net. Myndagallerýið er komið í gagnið og nú getið þið loggað ykkur inn með gamla notendanafninu og lykilorðinu. Ef þið munið hvorugt, sendið mér þá email, eða kommentið hér að neðan og ég redda því.

Gallerýið er að finna á http://vetur.net/gallery2 sem stendur, en ég ætla að breyta því í vetur.net/gallery við fyrsta tækifæri. Hendi inn pósti hingað um leið og ég er búinn að því, svo enginn lendi í vandræðum.

Er líka búinn að setja upp Joomla! á forsíðuna, og ætla aðeins að sjá hvað ég get gert með því.

Ĝis la.

2006-12-03T00:58:00.000Z

Ég er að undirbúa að skipta um stýrikerfi á servernum mínum, og því verða myndagallerýin og flestar skrár óaðgengilegar næstu daga. Vetur.net dettur einnig út á meðan að á uppsetningunni stendur. Ef allt gengur vel ætti þetta ekki að taka nema nokkra klukkutíma, en það er best að gera ráð fyrir nokkrum dögum í svona vesen.

Þegar þessu verður svo lokið þá ætti allt að verða betra. Hægt að uploada myndum á myndagallerýin og jafnvel eitthvað fleira skemmtilegt.

2006-11-24T17:08:00.000Z

Cyanide and Happiness er svo mikil snilld.

Svo eru þeir meira að segja með DEPRESSING COMIC WEEK. Tékkið á þessu STRAX!

2006-11-20T23:32:00.001Z

Ég keppti í Kumite á laugardaginn fyrir viku. Gekk ekkert vel frekar en fyrri daginn, enda kumite aldrei verið mín sterkasta hlið. Stefni að því að bæta mig þar í vetur og reyna að keppa meira. Maður hefur bara gott af því að láta dangla aðeins í síg. Það er svo miklu fljótlegri aðferð til að drepa heilafrumur heldur en helgar fylleríin. Ég tók myndavélina með mér á mótið, en þar sem ég var að keppa þá hafði ég ekki mikinn tíma til að taka myndir. Náði þó nokkrum myndum af bardaga milli Andra Bjarts og Helga, og komst að því að það er erfitt að ná góðum myndum af karate. Hraðinn er svo mikill að ég þyrfti miklu bjartari linsu til að eiga séns í þetta, og svo er lýsingin alveg hræðileg þegar það eru notaðar svona skærgrænar dýnur (þessi ógeðslegi litur á veggjunum bætir heldur ekki úr skák). Þurfti að hafa mikið fyrir því að ná honum niður án þess að aðrir hlutir yrðu skrítnir á litinn.

Ég keypti mér þessa bók um daginn og er aðeins byrjaður að glugga í hana. Þið megið því búast við því að það fari að koma meira af myndum hér inn á bloggið, og jafnvel að þær verði eitthvað betur unnar en hingaðtil. Ég vona það að minnsta kosti.

Morguninn eftir mótið fór ég svo í mína aðra ferð til Kosovo, eða ég hefði farið um morguninn ef það hefði ekki verið 10 tíma töf hjá Iceland Express. Þetta var níu manna (og kvenna) hópur úr vinnunni sem var að fara þarna niðureftir, og því var lítið mál fyrir okkur að nálgast upplýsingar um hvað væri á seiði, og vorum við fljót að fara aftur heim í bólið þegar ljóst var í hvað stefndi. Best að stoppa sem allra styðst á flugvöllum, því þar er bæði dýrt og andstyggilegt að vera.

Veðrið í Kosovo var alveg frábært allan tímann, og alveg sérstaklega þegar maður sá hvað það var andstyggilegt hér heima. Hitinn var á bilinu 15-20 gráður á daginn (25-35 gráðum heitara en á klakanum), sól og logn.

Mér dettur alltaf í hug ljóðið hans Steins Steinarrs um tindátana þegar ég sé svona hermenn á stríðstækjunum sínum:

Það gerast stundum ævintýri
eftirtektarverð.
Eitt sinn voru tíu miljón
tindátar á ferð.

Fyrir svona skammtíma gesti eins og mig, þá virðist mér eitt af stæstu vandamálunum vera þar vera loftmengun. Það eru tvö kola orkuver í Kosovo sem spúa eimyrju yfir sveitirnar dag og nótt. Bæði verin eru rétt hjá Prishtina og því finnur maður all verulega fyrir því þegar vindáttin stendu þannig á. Enda er öskulag yfir öll í borginn og á flugvellinum. Frekar ógeðslegt. Öndunarvegurinn fer ekki varhluta af þessu heldur, og fá allir sem fara þangað Kosovokvefið svokallaða. Það kemur yfirleitt í fyrstu vikunni, og rjátlar svo af manni á nokkrum dögum.

Orkuverið er í á að giska 30 km fjarlægð frá flugvellinum og því getið þið rétt ímyndað ykkur hvað þetta er mikill og ógeðslegur reykur.

2006-10-14T13:46:00.000Z

Það var svo sem auðvitað að um leið og ég komst í netsamband þá fór nettengingin á hótelinu til fjandans. Þetta er nú meira ruslið. Hún virðist vera komin aftur í lag núna, en af fenginni reynslu þá treysti ég henni mátulega mikið.

Best að ég segi ykkur aðeins hvað ég hef verið að gera síðustu daga. Ég kom hingað til að fljúga nokkrar æfinga í flugumferðarhermi. Þetta er samskonar hermir og við notum heima. Fjórir nemar fóru í próf í procedural aðlfugsstjórnun (aðflugsstjórn án radars) í herminum og fimm þreyttu lokapróf í flugumferðarstjórn í turninum. Þvert á allar venjur þá náðu allir nemarnir prófunum í fyrstu tilraun. Þetta gaf okkur soldinn auka tíma til að skoða okkur um og kíkja í búðir, við urðum að gera ráð fyrir tíma fyrir endurtektarpróf. Á föstudag og laugardag var ég að undirbúa aðflugsprófið og kynna mér aðstöðuna í herminum. Hermirinn og skrifstofurnar eru í litlum einingahúsum (eiginlega bara gámar) sem raðað er upp í lengju og á móti hver öðrum. Svo er þak yfir þeim þannig að það er hægt að ganga þurrum fótum á milli. Ekkert sérstaklega hlýtt á köldum dögum, en dugar til verksins.

Á sunnudaginn var frídagur hjá okkur svo við fórum í skoðunarferð um héraðið. Keyrðum fyrst norður til Mitrovicë. Borgin skiptist í tvennt af ánni Ibar. Sunnan megin árinnar búa nær eingöngu Albanir, en norðan megin Serbar. Þessi skipting er auðvitað afleiðing af stríðinu (þó svo eflaust hafi hún verið að einhverju leiti til staðar fyrir stríð). Hér er kort af Mitrovicë. Við komum sunnan megin að aðalbrúnni (nr. 1 á kortinu) og lögðum bílnum þar rétt hjá (brúin er lokuð fyrir alla almenna bílaumferð). Ég byrjaði auðvitað að taka myndir af öllu, en var snarlega stöðvaður í því af frönskum hermanni gráum fyrir járnum. Maður þorir ekki annað en að hlíða þegar menn með vélbyssur biðja mann að taka ekki myndir. Af því að við vorum með UN-passa, þá fengum við að fara yfir brúnna og inn í Serbneska hlutann. Við stungum pössunum þó inn á okkur áður en við komum þangað. Serbarnir eru lítt hrifnir af KFOR, og sjá víst lítinn mun á þeim og starfsmönnum SÞ. Í serbneska hluta borgarinnar er, eins og gefur að skilja, á serbnesku, en hún er skrifuð með Kýrrillísku letri og því ólæsileg með öllu fyrir gestkomandi. Þar eru líka notaðir dínarar í staðin fyrir Evrur og því var í raun eins og maður væri kominn í allt annað land. Við stoppuðum stutt norðanmegin árinn og héldum fljótlega aftur af stað.

Við keyrðum í gegnum sveitir Kósovo. Víða má sjá sundursprengd hús, en þau voru víst í flestum tilfellum sprengd af eigendunum sjálfum, þegar þeir flúðu stríðið. Þetta voru í flestum tilfellum Serbar sem sprengdu húsin, svo Albanirnir gætu ekki sest að í þeim. Þetta gerðu þeir með því að kveikja á kerti á háaloftinu og skrúfa svo frá gaskút í kjallaranum. Þar sem gasið er þyngra en loftið í húsinu, þá er húsið orðið slétt fullt af gasi þegar það loksins nær kertaloganum og spryngur því í loft upp með miklum látum.

Næst komum við til Pejë. Þar hafði einn úr hópnum séð bíl á íslenskum númerum nokkrum mánuðum áður, og gat sýnt okkur mynd því til sönnunnar. Ekki sást til neinnra Íslendinga í þetta skiptið, en þar fengum við okkur ágætis pizzur og bjór. Borgin sjálf minnir um margt á Prishtinë, nema hvað hún er enn skítugri. Þeir sem höfðu verið í Kosovo áður sögðu að þetta væri svipað og Prishtinë fyrir ca. 1-2 árum. Borgin var með öðrum orðum ekkert mjög spennandi, en rétt fyrir utan borgina er aftur á móti að finna klaustur og biskupasetur serbnesku kirkjunnar. Þarna eru elstu kirkjur svæðisins, um 1100 ára gamlar. Er þeirra vandlega gætt af KFOR hermönnum. Þurftum við að afhenda UN-passana okkar til að meiga fara inn á svæðið. Þegar við komum að bílastæðinu þá voru þar fjórir Benz herjeppar og tveir skriðdrekar, allir mannaðir og tilbúnir í action. Mörgum Albönum þætti víst mikil fengur í því að geta sprengt upp þessar kirkjur. Þegar við vorum búnir að leggja bílnum og hugðumst ganga inn, tók á móti okkur enn einn vörðurinn. Spurði hann fyrst hvort við værum vopnaðir, og er þetta í fyrsta skipti sem ég er spurður að því í fullri alvöru. Við vorum auðvitað allir óvopnaðir, og eftir fimm mínútna bið eftir leifi fengum við að fara inn. Fyrir innan hlaðinn vegginn sem umliggur svæðið er fallegur garður, eða mér skilst að hann sé fallegur á sumrin. Hann var satt best að segja ekkert sérstaklega spennandi í mígandi rigningu og blautum haustlitum. Kirkjurnar sem við skoðuðum eru þrjár sambyggðar í eina. Þar var nunna sem vísaði okkur inn, og var mjög sérstök tilfinning að ganga þarna um gólfin. Hálf rökkvað inni og algjör þögn. Við þorðum ekki að tala saman nema í hálfum hljóðum og skoða mörghundruð ára gömul íkon sem skreittu veggina. Sökum myrkus og þrífótarleisis þá tók ég engar myndir þarnar inni. Mæli ég með því við alla sem hafa tækifæri til þess að skoða þessar kirkjur. Það er alveg þessi virði, jafnvel fyrir trúleysingja eins og mig.

Kirkjurnar standa við munan á miklu gljúfri sem hægt er að keyra í gegnum alla leið til Sebíu, um 40 km leið. Við vorum ekki á leiðinni þangað, en gáfum okkur þó tíma til að keyra nokkra km inn í gljúfrið. Er það alveg mögnuð tilfinning að ferðast um svona gljúfur. Þetta er svo miklu stærra og dýpra en nokkuð sem maður þekkir að heiman.

Frá gljúfrinu var svo kominn tími til að halda heim á leið, enda getur umferðin verið ansi þung í Kosovo. Helgast það fyrst og fremst af því að göturnar eru ekki bara notaðar af bílum, heldur líka traktorum og hestvögnum sem telja sig hafa alveg jafnan rétt til að nýta göturnar og aðrir og eru því ekkert að víkja fyrir annari umferð. Það verða því oft til margra kílómetra langar raðir á eftir einum bóndadurg.

Flestar myndirnar úr þessari ferð eru á raw formatti og því get ég ekki sýnt ykkur þær fyrr en ég kem heim og get unnið þær. Ég er samt búinn að uploada fullt af myndum og getið þið kíkt á þær hér: http://myndir.astro.is/v/thorir/Kosovo/ Ég held svo áfram að bæta við myndum þangað eftir því sem færi gefast.

Nú er ég búinn að skrifa nóg í bili og farinn út að fá mér bjór. Framhald næst þegar færi og nettenging gefst.

2006-10-13T09:24:00.000Z

Eins og ykkur ætti að vera orðið ljóst, þá hefur mér ekki tekist að tengjast þráðlausa netinu á hótelinu. Þrátt fyrir ítrekaðar beiðnir um að stillingunum á routerunum væri breytt þannig að gamla laptop vélin sem ég er með gæti tengst, þá hefur ekkert gerst ennþá. Ég gafst því upp í gær og tók 15 metra langa netsnúru með mér upp á hótel. Stakk ég henni í samband við routerinn, og dróg inn á herbergi. Windows vildi, þrátt fyrir þetta, bara leifa mér að pinga og nota telnet, þannig að ég skellti bara ubuntu live-cd í drifið og bootaði upp í linux. Þar virkaði allt eins og það á að gera. Ég tók þegar til við að uploada myndum, og komst þá að því að bitarnir voru sendar á milli með bréfdúfum, svo hæg var tengingin. Þar sem myndirnar eru 3,5 MB þá gafst ég fljótt upp á þessu, og er núna búinn að finna mér nettengda tölvu á flugvellinu og er að uploada myndunum þaðan. Tengingin er að vísu ekki mjög hröð, en dugir þó fyrir nokkrar myndir. Ég læt þetta malla á meðan ég er í vinnunni í dag, það hlítur að duga til að hlaða upp nokkrum myndum. Hendi svo inn almynnilegu bloggi í kvöld.

2006-10-06T11:53:00.000Z

Það varð svo mikil töf á vélinni frá Köben að ég hafði engan tíma til að blogga í Vín. Netsambandið á hótelinu, var svo með eitthvað vesen, þannig að það varð ekkert úr metnaðarfullum plönum mínum að blogga frá fjórum löndum á einum degi. En hvað um það. Hótelið er svona sæmilegt, bíð samt með endanlega einkunn þar til ég sé hvort þeir hafa lagað nettenginguna. Kemur allt í ljós. Það var fínt veður þegar við komum í gærkvöldi, 17°C skýað og hægviðri. Í dag er smá rigning, hægur vindur og hitinn um 11° á að giska. Vona að það verði eitthvað heitara á morgun.

Ef nettengingin á hótelinu verður komin í lag, þá hendi ég inn einhverjum myndum í kvöld.

2006-10-05T11:29:00.000Z

Kominn til Kaupmannahafnar og, thøkk sje ferdafjeløgunum, inn a eitthver VIP lounge. Hjer er bodid upp a okeypis øl og hnetur, en ekki thradlaust net. Bara nokkarar tølvur med nettengingu.

Thid hafid tekid eftir øllum auglysingunum sem eru a svona flugstødum. Fyrstu tvær auglysingarnar sem eg sa hjer a Kastrup voru fra Glitni og Kaupthing. Thad er greinilegt ad Islenskir peningamenn eru bunir ad koma sjer vel fyrir hjer i Køben. Thad verdur gaman ad sja hvernig Lars von Trier tekur a thessu, ef myndin hans fer einhverntiman i syningar heima.

Stefan brodir er nuna i lestinni a leidinni hingad og ætlar ad fa sjer einn øl med mjer. Sje ykkur i Vin.

2006-10-05T07:16:00.000Z

vetur.net er komin aftur í gagnið. Hive hafði breytt "föstu" ip tölunni minni og því var ekki hægt að nálgast síðunna. Vonandi verður þetta í lagi núna.

Er annars staddur í Leifsstöð á leiðinni til Prishtina í Kosovo. Flýg í gegnum Kaupmannahöfn og Vín og ætti að verða kominn suðreftir um kvöldmatar leitið. Ég ætla að reyna að henda inn myndum og bloggir reglulega.

2006-09-18T18:29:00.000Z

Keppti í kvartmílunni um helgina. Tók overboost cutout-ið úr sambandi og skrúfaði bústið hressilega upp. Tókst það svo vel til að ég snéri vinstri hjöruliðinn í sundur. Núna situr saabinn einmanna í rigningunni og kemst ekki neitt. Það verður þó vonandi ekki til frambúðar, stefni á að redda nýjum lið sem allra fyrst.

Fór svo á Nick Cave tónleikana um kvöldið með Silju. Þeir voru mjög góðir. Soldið skrítin stemning samt að sitja á svona tónleikum. Vill miklu frekar standa sveittur í rokkinu fremst. Það er eina vitið.

Tékkið svo endilega á heimsreisublogginu hennar Önnu Pálu frænku: annapala.blog.is. Ég væri alveg til í að vera í svona ferð núna í staðin fyrir brauðstritið hér í rokinu og rigningunni.

2006-07-21T01:22:00.000Z

Ég, Freysi og Stefán gáfum Johnny klifurnámskeið í afmælisgjöf um daginn. Johnny var svo ekki lengi að sannfæra mig um að skrá mig líka. Námskeiðið var þrjú kvöld og var byrjað niðri í klifurhúsi á þriðjudagskvöldið þar sem farið var yfir helstu græjur, hnúta og svoleiðis þetta allt prófaði í veggjunum þar. Ég var reyndar á næturvakt þetta kvöld, en fékk að mæta seint á vaktina og gat því verið með megnið af tímanum. Á miðvikudagskvöldið var svo farið inn í Eilífsdal í Kjós og klifrað í Valshamri. Það var ekkert leiðinlegt skal ég segja ykkur. Lofthræðslan lét nú svolítið kræla á sér, enda verið að klifra upp í 15 metra hæð, en þá var bara að bíta á jaxlinn og klifra hærra. Við fórum svo aftur upp í Valshamar í kvöld og héldum áfram að klifra. Þetta var frábært námskeið, leiðbeinendurnir fyrsta flokks (Hjalti og Elmar) og alveg ljóst að ég á eftir að halda þessu áfram.

Ég tók myndavélina með mér í kvöld og smellti af nokkrum myndum. Gummi-Stóri tók líka fullt af myndum á námskeiðinu og á örugglega eftir að setja þær á heimasíðuna sína.

Johnny að leggja af stað upp Kristján tíunda. Kristján X er fín byrjenda leið og ágæt til að venjast hæðinni og æfa sig í að leiða, en það er að klifra leiðina og festa línuna jafn óðum. Það er meira krefjandi en að klifra í top rope eins og gefur að skilja. Sérstaklega þegar maður er búinn að klifra langt uppfyrir síðustu festingu og þarf svo að draga út helling af línu til að ná upp í þá næstu - Það yrði soldið mikið fall ef maður dytti akkurat á því augnabliki. Johnny brosir samt bara að þessu, enda mikið hreystimenni (nema þetta sé auðvitað hræðsluglott á honum).

Upp komst hann

og gerir sig klárann að síga niður.

Það voru fleiri leiðir klifraðar. Ég veit ekki hvað þessi heitir.

Hér er svo ein hópmynd í lokin. Hún var tekin 5 mínútum fyrir sólsetur og er þessvegna soldið appelsínugul á litinn. Ég reyndi hvað ég gat að gera hana eðlilegri á litinni, en er bara ekki alveg nógu klár í svona myndvinnslu til að gera betur. Hópurinn er, frá vinstri: Addi, Johnny, Gummi, Ég, Elmar, Hjalti og Óðinn. Elmar og Hjalti voru leiðbeinendurnir og Addi og Gummi eru félagar mínir úr karatefélaginu. Það var skemmtileg tilviljun að þeir skildu vera á sama námskeiði og við.

2006-07-12T11:56:00.000Z

Smá tilraunastarfsemi í gangi. Tékkið á þessu: vetur.net/tiki

2006-06-24T13:48:00.000Z

Í tilefni sólstöðunnar um daginn þá tók ég nokkrar sólseturs myndir.

2006-06-22T22:44:00.000Z

Mamma og pabbi eyddu síðustu viku í Vín hjá Helga Hrafni og Marlene. Ég flutti því inn til Unnar systur á meðan, enda ekki hægt að skilja hana eftir eina. Eiturlyfjaneytendurnir, vinir hennar, væru vísir með að taka húsið yfir. Það hefði bara endað í vitleysu.

Það besta við það er samt að m&p eiga bílskúr, eða nei, það er það næstbesta. Það besta er heiti potturinn í garðinum. Mmmmm, heitur pottur og bjór eftir langan dag í skúrnum, að er sko ekki slæmt! Ég notaði sem sagt tækifærið og flutti CD-inn inn í skúrinni og reif undan honum púst, túrbínu og pústgreinar, (sem og hálfa vélina til að komast alminnilega að þessu öllu saman). Setti svo T3 túrbínuna úr Tanngnjóstri í bílinn í staðin fyrir T25 krílið sem var þar fyrir (ásamt viðeigandi pústgrein auðvitað). Skutlaði bílnum svo til Einars pústgerðamanns, og lét hann búa til ógurlega flott 3" púst undir SAABinn. Skemmst er frá því að segja að pústið er virkilega vel heppnað. Þrír hljóðkútar og því ekki of hávært, en lætur samt alveg vita af sér þeagr maður stígur hraustlega á inngjöfina. Hið besta mál, og get ég því hiklaust mælt með Einar ef þið æltið að láta skella klóaksrörum undir SAABana ykkar.

Pústið og bínan voru svo reynd á kvartmílubrautinni í gærkvöldi, en þá var í tilefni sólstöðunnar (já, nú er daginn farið að stytta aftur) blásið til keppni. Fyrstu tvö rönnin voru ekki nógu góð, og skrifast sennilega á það að base bústið er stillt of lágt á túrbínunni. Verð að athuga hvar það er við fyrsta tækifæri. Það var því ekki um annað að ræða, en að fá búst kontrólerinn lánaðan hjá Birki. Honu var skellt vippað í á auga bragði, enda víla SAAB menn ekki fyrir sér að hjálpa félögunum að komast hraðar. Eftir þetta fóru hlutirnir að gerast og skemmst er frá því að segja að ég vann 14,90 flokkinn eftir æsispennandi keppni við ógurlegan dísil skjóna. Besti tíminn var 14,792 á 93,5 mílum. Ég ætla svo að tjúna inn base bústið (þó það sé hundleiðinlegt að komast að waste gateinu) við fyrsta tækifæri og sjá hvort hann vilji ekki keyra hraðar á APC tölvunni þegar ég er búinn að því. Ætla annars að hringja í Speedparts á morgun og sjá hvort þeir vilja ekki selja mér tölvukubba á góðum prís. Ef ekki þá er það bara MegaSquirt.

2006-06-21T16:33:00.000Z

Ég var orðinn leiður á að hafa myndina svona skakka, þannig að ég lagaði hana.

2006-06-13T15:44:00.000Z

Fór í hellaferð á sunnudaginn ásamt hópi góðra manna. Lögðum upp með stór plön um að skoða allavegana þrjá hella, en sökum þreitu og almenns aumingjaskapar létum við Litla-Björn nægja. Fórum í staðin í heitan læk sem rennur á Hellisheiðinni, rétt norðan við vegin áður stuttu áður en farið er niður Kambana. Það var mjög ljúft að komast í hann eftir átökin í hellinum, og langa leit að læknum, en það var svarta þoka og því vandratað nema með hjálp tækninnar. Verst að GPS tækið gerði sér enga grein fyrir því að bein lína að læknum var alls ekki sú besta. Þurftum því að ganga niður í, og aftur upp nokkur gil í leit að niðurgöngu í dal þann sem lækurinn rennur um. Eins og í fyrri ferðinni þá smellti ég af nokkrum neðanjarðarmyndum. Er aðeins byrjaður að vinna þær, og eins og í síðast þá eru þær æði misjafnar að gæðum. Þó eru nokkrar sem brúkhæfar og munu þær byrtast á vetri innan tíðar. Hér er sú fyrsta, og sennilega sú besta af þeim öllum.

SjáMyndFyrirOfan

Grílukertin í hellinum voru nærri því jafn mikil og síðast. Kom það okkur mikið á óvart, enda komið langt fram í júní.

2006-06-04T19:51:00.000Z

Fyrst það er nú farið að reka á eftir manni: Myndir frá Írlandi. Ég er samt ekkert búinn að vinna myndirnar eða henda út mishepnuðum eða óspennandi myndum. Myndirnar eru því á bilinu 2-3MB á stæð. Að auki er ég ekkert búinn að ritskoða myndirnar þannig að þið verðið að vera búinn undir vafasamar myndir. Fyrsta mappan er samt bara frá flugvellinum og fluginu til Stansted (var að prófa vélina soldið), þannig að ég mæli með því að þið byrjið á 166canon möppunni

2006-05-25T02:11:00.000Z

Haldiði ekki að ein af grunnnemunum okkar frá í vetur hafi ekki bara unnið Ungfrú Ísland í kvöld. Það sem ég held að Albanirnir verði upprifnir af þessu. Í tilefni af því þá fáið þið hérna alveg æðislega hallærislega mynd af henni, tekinni í Þórsmörk í vetur ;) Þið getið séð fleiri myndir úr ferðinn með því að smella á þessa (engar almennilegar af Sif samt).

En svona að öllu gamni slepptu, þá er hún glæsileg stúlka og vel að þessu komin. Til hamingju Sif.

(Verst samt, að hún skildi vera send til Keflavíkur í réttindanám)

2006-05-22T14:50:00.000Z

Ég er búinn að finna bíl sem mig langar að kaupa og það er ekki SAAB!

Tékkið á Jeremy að próf'ann: Ariel Atom.

Það rennur í hann við tilhugsunina að keyra í þessu tryllitæki. Ég svitna eins og barnaperri í bangsabúning.

2006-05-19T09:49:00.000Z

Ég freystaðist til að henda inn bloggkerfi á vetur.net. Það var bara svo auðvelt að ég gat ekki beðið með það :). Þið getið kíkt á þetta hér: http://vetur.net/Tiny, athugið að Tiny á verður að vera með stóru T-i eins og er, en ég ætla að breyta því fljótlega. Þetta er á prufu basis ennþá þannig að það má búast við einhverjum breytingum á þessu.

2006-05-17T11:46:00.000Z

Jæja, þá er maður búinn að bæta við einu nýju landi á listann. Það er svo sem ekki mikil breyting á litnum á kortinu, en þó einhver. Svo er nú líka heilmikið eftir af árinu, þannig að það er vel hægt að bæta við einu í viðbót!

create your own visited country map
or check our Venice travel guide

Spurning um að skella sér t.d á Ólafsvöku í Færeyjum. Svo er möguleiki að maður endi í Afganistan, þó mér finnist nú líkurnar á því minnka með hverjum deginum. Það yrði líka fyrsta landið í Asíu sem ég kæmi til.

Spurning hvaða land/lönd maður tekur 2007, en stefnan er sett á hópferð með stjörnuskoðurum til Norður Grænlands 2008 til að sjá sólmyrkvann sem verður þar.

Annars var Írland fínt. Frábær bjór og æðislegar reyklausar krár. Fallegt landslag og mikil gróðursæld ásamt ágætu veðri. Maður biður ekki um neitt meira. Myndir koma síðar (ef mér tekst þá einhverntíman að koma helvítis galleríinu í lag).

Er annars kominn með þá flugu í höfuðið að flytja bloggið yfir á vetur.net, en ég held samt að ég ætli að koma galleríinu í lag fyrst. Það er óþolandi að geta ekki hennt myndum þar inn á þægilegan máta.

2006-05-10T08:59:00.000Z

2006-05-08T23:09:00.000Z

Eftir ítrekaðar tilraunir hef ég gefist upp á að reyna að bjarga gögnunum af gamla server disknum. Það er samt ekki ástæða til að örvænta alveg strax, ég vil nefninlega leggja áherslu á ég í síðustu málsgrein. Ég hef gefist upp á að reyna, og því reif ég diskinn úr vélinni og ætla að reyna að plata einhvern af linux sérfræðingum Flugmálastjórnar eða Flugkerfa til að líta á hann. Ég hef bara ekki nógu góða þekkingu á stýrikerfinu ennþá til að treysta mér í frekari tilraunir. Er samt búinn að prófa alveg helling, en nú er mál að linni. Það er ekki nema takmarkað hvað maður nennir að hafa sama vandamálið hangandi yfir sér lengi.

Annað í fréttum er það að ég keypti mér linsur á föstudaginn. Ákvað að það væri kominn tími til að gefa þeim séns aftur, en ég prófaði svoleiðis í fyrsta og síðasta skipti fyrir 6 árum síðan. Það gengur reyndar ekkert sérstaklega vel að hjá mér. Þetta er ósköp svipað og síðast, en ég ætla að þrauka lengur og sjá hvort augun venjist þessu ekki á endanum. Það er aldrei að vita.

Vandamálið lýsir sér á þann hátt að ég finn mjög mikið fyrir linsunum. Fyrst eftir að ég set þær í mig (það er í raun það eina sem gengur vel hjá mér, að seta linsurnar í og taka þær úr) finst mér eins og ég sé með augnhár eða einhvern aðskotahlut í auganu með tilheyrandi táraflóði og óþægindum. Eftir það svíður mig í augun kanski 5-10 mínútur. Enginn sítrónusafi-í-augað sviði, meira svona búinn-að-sitja-fyrir-framan-tölvuskjá-í-20-tíma-án-þess-að-standa-upp sviði. Kanski soldið meiri en það fyrst, en svo smá saman hverfur hann. Eftir það koma óþægindin og fara, og eru þá yfirleitt á þann hátt að ég finn fyrir einhverjum aðskotahlut í augnum. Ég lít meira eða minna út eins ég sé ný búinn að vera grenja þegar ég er með þær. Stundum er þetta líka þannig að mig klæjar óstjórnleg í augun. Langar mest að glenna upp augnokin með annarihendinni og klóra mér í auganu. Væri passlegt að stoppa þegar ég er búinn að vinna mig hálfa leiðina í gegn.

En þetta er nóg af væli.

Þrír dagar í Írlandsför. Hægir hendin, bragðlaukarnir, lifrin og nýrun eru öll í ströngum æfingabúðum. Fyrirvarinn er stuttur, en allt stefnir samt í að ég verði í góðu formi.

2006-05-03T00:16:00.000Z

Var að bóka ferð til Írlands fyrir mig og Freysa Ætlum að heimasækja Johnny, drekka Guinness og skandalisera eins og fullum Íslendingum einum er lagið.

2006-04-24T23:38:00.000Z

Á morgun á ég að halda kynningu fyrir vinnufélagamína í snake. Þessar kynningar eru haldnar reglulega yfir veturinn, og eru nýttar til að kynna uppfærslur á hugbúnaði og breytingar í flugheiminum sem tengjast starfinu. Stundum eru þær líka nýttar í endurþjálfun. Ég hef yfirleitt séð um þessar kynningar. Kynningin á morgun er þó öðruvísi en hinar því að ég hef ekki haft neinn tíma til að undirbúa hana (sem er jafnvel enn minni tími en venjulega), auk þess sem breytingar ætlað var að kynna eru langt frá því að vera tilbúnar. Ekki að það skipti svo miklu máli þar sem ég hefði hvort eð er ekki haft tíma til að kynna mér þær. Þannig að á morgun mun ég vera með 4 klukkutíma óundirbúna kynningu á einhverju sem ég veit ekkert um. Já og það var ekki gert ráð fyrir því að við þyrftum neina aðstöðu fyrir kynninguna og því alls óvíst með að nokkuð fundarherbergi sé laust fyrir okkur.

Þetta er allt ein samhangandi andstyggð.

Allt nema að ég portaði heddið fyrir 99una um helgina ásamt soggreinunum. Það er styggð.

Já og ég er búinn að breyta nöfnunum á öllum myndaskránnum sem ekki virkuðu í gallerýinu, þannig að þær myndir sem eru þar inni núna virka allar eðlilega. Reyndi líka að lagfæra ImageMagic/NetPBM vandamálið (sem kemur í veg fyrir að hægt sé að loada inn nýjum myndum). Það mistókst (svona eins og kynningin mín á morgun).

2006-04-18T22:22:00.000Z

Ég setti wideband controller í 9000 Saabinn núna um páskana. Ætlaði mér svona tvo tíma í verkið, en endaði á því að eyða þremur dögum í það. Það hafðist þó að lokum svo núna get ég breytt merkinu frá súrefnisskynjaranum inn á LH tölvuna að vild. Ég byrjaði þó á að fá Birki í lið með mér og tókum við góðan rúnt til að átta okkur á því hvernig þessu væri stýrt í bílnum til að byrja með. Það er skemmst frá því að segja að blöndunni er haldi sem næst 14,7 undir öllu mögulegu álagi, nema undir bústi. Blöndunni er haldið í 14,7 upp í ca. 1/3 af gula strikinu í búst mælinum (er ekki með alminnilegan búst mæli í bílnum), en eftir það er hún aukin upp í ca. 10 á fullu bústi (fer jafnvel enn neðar en það ef bílinn er botnaður snöggt).

Til prufu breytti ég bilinu sem narrowband merkið sveiflast á og setti það á 14,8 og 15,8 (var áður 14,01 og 15,01). Ég veit að vísu ekki hvaða signal gamli súrefnisskynjarinn var að gefa, en það kom glögglega í ljós að vélin fylgi merkinu frá skynjaranum mjög vel eftir og því eðlilegt að ætla að hún reyni að halda 14,7 fyrir hvarfakútinn... en hver þarf hvarfakút!

Nú er næsta mál að fara að huga að alminnilegu pústkerfi undir vagninn og svo kanski bara ... ;)

Í öðrum fréttum þá eyddi ég nóttinni bak við stjörnukíki Stjörnuskoðunarfélagsins að eltast við halastjörnuna 73P/Schwassmann-Wachmann 3 (þjált og gott nafn). Vegna mikillar ljósmengunnar og norðurljósa var þetta mun erfiðari leit en efni stóðu til og fann ég hana fyrst þegar ég skellti myndavélinni ofan á sjónaukann og tók mynd af svæðinu sem hún átti að vera á. Þetta var um klukkan hálf þrjú, og hafði fram að þessari mynd verið við það að gefast upp og fara að halda heim á leið. Efltist ég allur við þessa mynd og hélt áfram að taka myndir og skoða C brotið (en halastjarna þessi er brotin í marga hluta) fram í byrtingu um klukkan hálf fjögur. Ekki tókst mér að finna B og G brotin en veit til þess að Sævari Helga tókst að finna þau frá Kaldárseli þessa sömu nótt, en hann fann aftur ekki C brotið, þannig að við verðum bara að víxla brotum næst þegar gefur. Var ég svo kominn í bólið rétt upp úr fjögur og mættur í vinnuna klukkan átta. Ekkert mjög ferskur kanski, en allavegana mættur.

Þessi halastjarna er enn að nálgast jörðu og sólu og á því eftir að stækka nokkuð auk þess að verða töluvert bjartari. Jafnvel eru nokkrar líkur til þess að hún verði sýnileg með berum augum. Vonum bara að myrkrið endist þangað til.

2006-04-13T01:12:00.000Z

Vegna vandræða við nettenginguna í Valhúsaskóla verður vetur.net spegill fyrir astro.is næstu daga. Þ.e.a.s. ekki verður hægt að komasti inn á gallerýið (eða neina aðra síðu á servernum) fyrr en nettengingin í Való kemst í lag og serverinn fer aftur þangað uppeftir. Það er svo sem ekki mikill skaði af þessu þar sem gallerýið var hvort eð ekkert farið að virka alminnilega. Fannst samt rétt að láta ykkur vita af þessu.

2006-04-03T20:19:00.000Z

Þessi SAAB er bara alltof flottur! Ég vona að sem mest úr honum rati í framleiðslubílana þeirra.

2006-03-21T18:20:00.000Z

vetur.net/gallery

Þarf að segja meira?

2006-03-19T15:59:00.000Z

Ég biðst afsökunnar á blogg leti minni undanfarna daga. Ég var að flytja nettenginua mína frá Skýrr yfir til Hive og það gekk vægast sagt illa fyrir sig, en hafðist þó að lokum. Er ábyggilega búinn að eyða 6 klukkutímum í spjalla við þjónustuver Hive. Strákarnir þar vou svo allir af vilja gerðir að leysa úr þessum vandræðum, en það tók bara svona ógurlega langan tíma. En allt er gott sem endar vel. Nettengingin er komin í lag og ég er byrjaður að setja serverinn upp upp á nýtt.

Ég var að skrá vetur.net hjá DNS þjónustu (ákvað að vera latur og fresta því að setja upp DNS þjón á servernum). Það þíðir að vetur.net ætti að fara að vísa á ip-töluna mína einhverntíman á næstu 48 klukkutímum. Þar er að vísu ekkert að finna nema test síðu fyrir Apache vefþjónin, en ég er að hamast í að setja upp gallerýið og fleira þannig að þetta fer allt koma.

Það er líka allt að gerast í vefmálum Stjörnuskoðunarfélagsins, búið að settja upp spjallsvæði og myndagallerý og fleira á döfinni. Kíkið á astro.is, og alveg sérstaklega ljósmengunarmyndirnar sem ég tók í nótt.

2006-02-27T10:56:00.000Z

mmm MegaSquirt!

2006-02-19T02:01:00.001Z

Ef það kemur skyndilega yfir ykkur löngun til að panta ykkur pítsu með roast beef, frönskum og bernaissósu þá skulið þið bara gleyma því og panta ykkur pepperóní og sveppi í staðinn.

2006-02-10T22:54:00.000Z

Alltaf lærir maður eitthvað nýtt um SAAB. Ég vissi til dæmis ekki að þeir hefðu gert tilraunir með 8 sílindra vélar fyrr en fyrr í þessari viku:

300 hestöfl og jafn margir Newton metrar. Ég veit ekki með ykkur, en ég hefði nú boltað við hana túrbínu eða tvær.

Þetta er víst ekki fyrsta skipti sem SAAB pældi í V8 vélum. Það voru víst smíðaðar 48 99ur með V8 Triumph vélum, en það var hætt við v8 vélarnar og ákveðið að nota frekar túrbínur. Það var gott val hjá svíunum.

Þess má geta að ég hef allar þessar upplýsingar frá ensku Wikipedia síðunum. Ég kíkti svo á íslensku útgáfuna og sá mér til mikillar skelfingar að það er ekki svo mikið sem einn stafur þar um SAAB. Hvorki bílana né flugvélarnar, og því síður um minna þekta SAABa eins og Datasaab. Ég ætla við fyrsta tækifæri að byrja að byggja upp SAAB síðurnar á íslensku Wikipedia (og jafnvel að snurfusa aðeins ensku útgáfuna) og hvet félaga mína í SAAB klúbbnum til að hjálpa mér við það verk. Af nógu er víst að taka.

2006-02-08T22:48:00.000Z

Meira um sms.ac

Ég verð víst að draga orð mín hér að neðan til baka. Það er til fullt af ókeypis hlutum, og alveg sérstaklega á netinu. Hægt er að sækja fjöldan allan af öflugum hugbúnaði án nokkurs kostnaðar (fyrir utan kostnað við nettenginguna).

Sem dæmi má nefna Linux kjarnan og fjöldan allan af stýrikerfum byggðum á honum. T.d. RedHat Fedora sem ég hef verið að nota, Ubuntu, Slackware, SuSE, Debian og svo mætti lengi telja. Einnig má nefna önnur Unix byggð stýrikerfi eins og freeBSD og OpenSolaris.

Nú það væri lítið gagn í öllum þessum stýrikerfum ef ekki væri til neitt af hugbúnaði til að keyra á þeim, en þau helstu eru: GIMP fyrir myndvinnsluna (svipað og Photoshop), OpenOffice fyrir ritvinnslu, töflureikni, glæruforrit og fleira (sambærilegt við MSOffice en hefur ýmislegt fram yfir það, t.d. hægt að vista skjöl á .pdf formi (Acrobat) og glærusýningar sem flash video (.swf), xmms til að spila tónlist og mplayer til að horfa á bíómyndir, og fyrir Helga bróðir: Rosegarden fyrir hljóðvinnsluna.

Nú svo má telja project eins og Wikipedia og MegaSquirt.

SMS.ac er ekki í sama flokki og neitt af þessum forritum og projectum. SMS.ac er fyrirtæki sem er í bissness til að græða á því (og græðir sjálfagt alveg heilan helling). Það auglýsir að fólk geti sent ókeypis sms í gegnum þjónustuna þeirra, og viti menn það getur þú. Sá sem tekur á móti því þarf aftur á móti að borga 55 bandarísk sent fyrir. Einnig borgar þú 3 dollara fyrir þriðja hvert sms sem þú færð í gegnum þjónustuna, þ.e. dollar fyrir hvert sms. Að auki er þér sennt auglýsinga sms á hverjum degi og að sjálfsögðu telur það upp í þennan kvóta.

Svo er innifalin í þessu allskonar önnur "þjónusta".

"...we may send email or SMS messages that will introduce you to others or them to you. For this purpose, we may include your greeting and other profile information. For this community-related Service that is provided directly to your mobile phone, you will be charged."

En þetta er tekið beint upp úr terms and conditions eða terms and cons eins og stendur svo skemmtilega í urlinu (þeir meiga eiga það að þeir eru kaldhæðnir), með smá umröðun má líka breyta sms.ac í scams.

Ef þið hafið skráð ykkur í þetta og eruð ástæðan fyrir því að ég fæ þessi skemmtilegu bréf í ykkar nafni með reglulegu millibili þá vinsamlegast sjáið til þess að ég hætti að fá þau.

2006-02-07T20:44:00.000Z

Við nánari athugun reyndist myndin hér að neðan ekki vera af Múhameð spámanni eins og ég áður taldi, heldur mun þetta vera Óli prik. Bið ég Múhameð, Óla sem og lesendur mína velvirðingar á þessum mistökum og vona að enginn hafi hlotið skaða af.

2006-02-03T16:04:00.000Z

Þegar kallar giftast fleiri en einni konu, þá er það kallað fjölkvæni. Er það þá kallað fjölmenni þegar konur giftast fleiri en einum kalli?

2006-02-03T15:35:00.000Z

Múhameð spámaður

2006-01-31T13:18:00.000Z

Viljiði hætta að senda mér invitation til að skrá mig á sms.ac. STRAX! Þið eruð öll fífl að falla fyrir svona vitleysu. Það er ekki til neytt sem heitir ókeypis, nema kanski ofbeldi. Ef þið fáið einhverja undarlega þörf fyrir að senda mér eitthvert auglýsinga rusl þá gerið tvennt áður en þið sendið mér það. Googlið fyrirbærið og lesið ykkur til um það á fleiri stöðum en í auglýsingunni sem þið fenguð senda frá fávitanum í næsta bás við ykkur á skrifstofunni. Ef þið finnið ekkert sem fær ykkur ofan af því að senda þetta þar, lesið þá yfir keðjubréfa reglurnar hans Denis Leary og athugið hvort þetta fellur undir eitthvað af því sem hann telur upp. Nú ef allt kemur fyrir ekki þá kanski er einhver smá ástæða til að senda þetta til mín.

2006-01-27T15:40:00.000Z

"two words"

2006-01-26T10:57:00.000Z

Ég fíla þetta ekki.

2006-01-20T19:21:00.000Z

Það gerir nú hálf lítið úr hellaferðinni manns, þegar menn fara ofan í hella sem eru dýpri en hellarnir sem við fórum í eru langir. Samt flottar myndir.

2006-01-15T23:16:00.000Z

Ég fór í hellaferð um helgina. Það var mikil snilld. Hugmyndina átti Johnny G, en hann og Gauji (eða Gaui, veit ekki hvorn ritháttinn hann kýs) höfðu lóðsað hópa af skátakrökkum um þessa hella í sumar. Þar sem þeir þurftu að bera ábyrgð á stórum hóp af krökkum og voru þar að auki tímabundnir gafst þeim ekki tækifæri á að skoða hellana alminnilega og því vildu þeir ólmir og uppvægir fara aftur og líta betur á þetta. Við fórum því ásamt Ásgeiri (litlabróður Johnny) og Ásgeiri (Geira túttu) inn að Gjábakkahrauni (eða Goðahrauni eins og það er nefnt á heimasíðu Hellarannsóknarfélagsins. En það er að finna á leiðinni inn á Lingdalsheiði. Það var fallegt veður þennan dag, hægviðri, bjart og um 5-6 stiga frost.

Við byrjuðum á að skoða Gjábakkahelli, en inngangurinn í hann er ekki nema um 10 metra frá vegkantinum og því auðvelt að finna hann. Það var um 20-30cm snjólag yfir öllu svæðinu þannig að opið var hálf hulið snjó sem við þurftum að brjótast í gegnum fyrst. Það var þó létt verk og komumst við fljótt inn í hellinn. Gjábakkahellir er eins og flestir hellarnir á þessu svæði gömul hraun rás og víðast nokkurra metra breiður og hár. Gjábakka hellir er þó töluvert hruninn þannig að það var um mikið stórgrýti að fara með tilheyrandi klifri og klöngri. Og ekki bætti úr skák að fyrstu um 70 - 100 metrana voru allir steinarnir og veggirnir þaktir blautum ís og því verulega erfitt að fóta sig. Þegar við vorum komnir um 2/3 af leiðinni skiptist hellirinn í þrjú op hvert ofan á öðru. Þetta var einn af þessum stöðum sem Gauja og Johnny hafði ekki gefist tími til að skoða í sumar. Byrjuðum við á að klifra upp á miðhæðina, en hún reyndist bara lítill skúti sem endaði þó með gati niður á neðstu hæðina. Efsta hæðin náði svipað langt inn, en þar var líka hægt að fara til baka út með veggnum þar til komið var að þröngu gati. Þegar við skriðum í gegnum það (á maganum með bakið fast í loftinu og axlirnar í veggjunum, sem sagt þröngt!) þá var komið út á litla sillu, eða nokkurskonar svalir. Þar er flott að setjast niður og hvíla sig og jafnvel borða nesti ef það er með í för. Um 6 metra fall er niður af 'svölunum' svo það er vissara að fara varlega. Við skriðum svo til baka (og reyndar aftur til baka til að ná myndum í gatinu). Þegar við fórum svo að nálgast hinn endan á hellinum fór aftur að kólna, en það var á að giska 5 stiga hiti ofna í hellinum og hálkan fór aftur að gera vart við sig. En síðustu 30 metrana gat að líta mjög fallegar ísmyndanir og grílukerti. Opið í þessum enda er stórt og mikið og því auðvelt að finnan þennan muna líka ef maður vill fara hina áttina í gegn. Þessi hellir var ágætis 'reality check' fyrir mig því svona hellaskoðun er mun meira líkamlega krefjandi en mig hafði órað fyrir.

Þegar við komum upp úr hellinum var Geiri tútta orðinn hálf slappur, kominn með hausverk og orðið flökurt og hélt því heim á leið. Við hinir héldum þó ótrauðir áfram.

Seinni hellirinn heiti Litli-Björn. Við höfðum hnitin að opinu á honum og þrömmuðum af stað þessa 700 metra sem voru í hann. Þetta var helvítis púl ganga þar sem snjórinn náði manni ýmist upp á miðja kálfa eða maður sökk upp að hnjám. Við komum svo loks að stað þar sem GPS tækið sagði okkur að opið væri í 50 sentimetra fjarlægð. Ekkert var þó að sjá í kringum okkur nema samfellda snjóbreiðu og prófað ég því að reka kústskaft sem við höfðum með okkur akkurat í þessum tilgangi ofan í jörðina. Tókst mér að sökkva því öllu ofna í jörðina og því ekki um annað að ræða en að byrja að grafa. Spörkuðum við og mokuðum sem mest við máttum þar til við uppgötvuðum að snjóbreiðan virtist gefa aðeins eftir þegar einhver okkar hoppaði á henni. Við fórum því allir að hoppa sem mest við máttum. Skyndilega kallaði Ásgeir uppyfir sig, en hann hafði labbað nokkra metra í burtu á meðan við vorum að grafa. Hafði hann þá skyndilega sokkið upp fyrir hné í snjóinn og brugðið við það. Við litum allir upp rétt í tíma til að sjá Ásgeir hverfa alveg upp að öxlum. Hann hafði þá fundið opið og hékk í lausu lofti á höndunum ofan á snjóbreiðunni. Fannst okkur þetta ógurlega fyndið, en í raun var það algjör heppni að Ásgeir datt ekki alveg í gegn því nokkurra metra lóðrétt fall var fyrir neðan gatið eftir hann. Við þurftum því að brjóta heilmikinn snjó úr gatinu til að komast ofan í hellinn.

Litli-Björn er líka gömul hraun rás líkt og Gjábakkahellir, enn ekki eins hruninn og því auðveldari yfirferðar. Þegar Gauji og Johnny fóru með krakkana í þennan helli þá gengu þeir með þeim inn að miklu hruni sem maður kemur að eftir um 500 metra göngu og snéru þar við. Þeir höfðu þó eitthvað veður af því að það væri til leið í gegnum hrunið og eftir það tækju við um 500 metrar í viðbót. Við kíktum inn í þröngar sprungur á milli steinnanna lýsandi á milli annara til að athuga hvort félaginn sem stóð hálfur á haus á milli þeirra fyrri sæji ljósið einhversstaðar. Eftir nokkurra mínútna þóf fann Johnny loks rétta gatið. Það var um nokkurra metra löng og frekar þröng göng að fara og því skildum við bakpokana og óþarfa úlpur eftir (það var síst kaldara í þessum helli en þeim fyrri) enda fylgdi sögunni að ekki væri um nema einn útgang að ræða og því auðvelt að kippa dótinu með á bakaleiðinni. Eftir um 200 metra göngu komum við að stað þar sem hellirinn skiptist í tvent. Annars vegar heldur hann til hægri og lækkar lofthæðin þar mjög mikið. Johnny og Gauji skelltu sér niður á fjóra fætur og síðar magan og héltu inn þá leiðina.

Við Ásgeir ákváðum að láta þá um púlið og treystum á að þeir myndu kalla á okkur ef eitthvað skemmtilegt leyndist í þessum afkima. Eftir um 5 mínútna bið þar sem við sáum enn í lappirnar á Gauja þar sem hann elti Johnny (enda óhemju seinfarið að skríða á maganum með hraunnibbur grípandi bæði í magan og bakið á manni), þá leiddist okkur þófið og ákváðum við að kanna betur grjóthrunið okkur á vinstri hönd. Þar var auðvelt að troðast í gegn og opnaðist þar strax sæmileg hvelfing. Nokkur leðja var í botninum á henni og þar var að sjá fótspor! Við vorum greinilega ekki fyrstu mennirnir til að skríða þarna í gegn. Hér var líka farið að kólna og því orðið nokkuð ljóst að við vorum nær yfirborðinu en áður. Við héltum aðeins áfram þar sem hellirinn opnaðist aftur og þar byrjuðu þessi líka rosa flottu grílukerti. Grílukertin í Gjábakkahelli komust ekki í hálfkvist á við þessi. Við Ásgeir snérum því til baka og sóttum Johnny og Gauja (sem voru ennþá að reyna að skríða inn eftir þrengingunum). Við héldum svo áfram í þessum grílukerta skógi þar til að eftir um 150 metra í viðbót að við komum aftur að stað þar sem hellirinn skiptist. Opið til hægri þrengdist líka niður svipað og gatið sem Johnny og Gauji kíktu á og voru uppi getgátur um að þau lægju saman, en hitt gatið var farið að sveigja töluvert til vinstri og því ekkert útilokað í þeim efnum. Bíður það frekari rannsókna í framtíðinni. Eftir um hundarð metra í viðbót í vinstri göngunum komum við að snjó! Upplýsingar okkar reyndust greinilega ekki réttari en svo að hér var greinilega gat út, því ekki snjóar neðanjarðar. Ásgeir var fyrstu upp snjóinn og gróf sig upp úr þekjunni en hún var um 10 metra hærra en botninn á hellinum. Við fórum upp þar og fengum okkur ferskt loft og hringdum heim til að láta vita að okkur seinkaði um að minnsta kosti klukkutíma frá áætluninni. Þar sem það voru svo flott grílukerti í þessum enda þá ákváðum við að sækja bakpokana og þar með myndavélarnar og fara út á þessum enda.

Johnny og Gauji völdust til þessi og við Ásgeir biðum eftir þeim við opið. Eftir um 10 mínútna bið ákváðum við að kíkja aftur á seinni skiptinguna á göngunum og fundum við hana fljótt. Við skriðum aðeins inn í hana en nenntum ekki langt og settumst því þar og biðum félaga okkar. Prófuðum við að slökkva ljósin sem við vorum með og er það mjög sérstök tilfinning að upplifa svona algjört myrkur (verst að maður getur ekki tekið það með sér og notað þegar maður fer í stjörnuskoðun). Nokkrum mínútum síðar komu svo strákarnir og héldu þá að við hefðum hlaupið að hinu opinu og komið á móti þeim. Þeir höfðu með öðrum orðum villst og voru komnir lang leiðina til baka án þess að hafa hugmynd um það! Þá var klukkan orðin svo margt að ekki var um annað að ræða en við færum allir til baka og tækjum bakpokana og færum svo út á sama stað og við komum inn. Það tók okkur ekkert svo langan tíma að finna leiðina til baka, en þó vorum við því feignir að við höfðum áttað okkur á því í tíma að "ruslið" sem við höfðum verið að hirða upp öðru hvoru var sumstaðar notað til að merkja leiðina. Skildum við nokkrar merkingar eftir við þröngu göngin, en þau er einna erfiðast að finna þar sem það er í stóru grjóthruni og úr mörgum álitlegum götum að velja. Við komum svo loks niður í bíl um sjö leitið og var ég kominn út á nes um klukkan hálf níu, dauð uppgefinn eftir átök dagsins, en jafnframt ánægður með ferðina.

Þess má geta að þessu bloggi hefði fyllt fullt af myndum ef ekki væri fyrir þvermóskuhátt skýrsluvélanna (en Skýrr verður aldrei nefnt annað en skýrsluvélarnar héðan í frá) og seinagangs Hive.

2006-01-13T01:05:00.000Z

Ég virðist ekkert nenna að skrifa þessa dagana. Það tekur svo mikla orku að vera svona fúll út í Skýrr og Hive. En einhver þarf að vera það þannig að ég tók það bara að mér. Ég fæ nettenginguna hjá Hive bara einhverntíman og skýrsluvélarnar eru alveg harðar á þessum reglum sínum þannig að ég verð bara að vera server laus þangað til 'einhverntíman'. Ég var svo bjartsýnn þegar Hive sagðist geta tengt mig milli jóla og nýárs og að ég fengi fasta ip tölu og engin port blokkuð að ég hljóp til og keypti mér lén: http://www.vetur.net Það er auðvitað ekkert þar núna nema auglýsing frá GoDaddy.com sem selur mér lénið.

Nenni ekki að skrifa meira. Ein myndasaga handa ykkur í lokin:

2005-12-29T15:04:00.000Z

Svona í tilefni af síðasta bloggi:

Fleiri nörda teiknimyndir á hackles.org

2005-12-26T14:41:00.000Z

Óskaplega þarf allt að vera erfitt á linux... *andvarp*. Er að reyna að setja inn support fyrir raw myndirnar úr myndavélinni minni í GIMP myndvinnsluforritið og það er bara hægara sagt en gert. Ég er eiginlega búinn að komast að því að það er ekki fyrir venjulegt fólk að reyna að læra alminnilega á linux á eigin spítur. Það er bara alltof erfitt. Í það minnsta fyrir mig. Ég held ég þurfi að ræna einhverjum af kerfisdeildinni í vinnunni og láta hann kenna mér alminnilega á þetta í eitt skipti fyrir öll.

Jæja, þangað til verð ég þá bara að láta mér windows nægja til að vinna myndirnar. Ekkert vesen að installa hubúnaði þar.

Það stefnir annars allt í góðan saab rúnt á laugardaginn þannig að nú er bara að reyna að standa við stóru orðin og koma 99unni í gagnið. Á eftir að græja í hana öxla, en það gæti orðið eitthvað púsluspil þar sem ég er með 99 gírkassan bremsur af +85 eða +86 módel 90 saab. Við sjáum til hvort ég get ekki smíðað eitthvað úr öllu því öxla fargani sem ég á í geimslunni.

Já og meðan ég man, gleðileg jól öll sömul. Vona að þið hafið haft það jafn gott og ég yfir hátíðirnar, því ég hafði það sko ekki slæmt.

2005-12-21T11:35:00.000Z

Hver kemur með á rúntinn?

2005-12-13T09:40:00.000Z

Skýrr reyndist vera sökudólgurinn. Þeir loka fyrir alla inbound traffic á tengingum eins og ég er með. Ástæðan er "af því að þetta eru svo hraðar tengingar"! Helvítis væl og aumingjaskapur í þeim. Ef að þeir ætla sér að selja mér 30Mb/s tengingu þá áskil ég mér þann rétt að maxa út tenginguna allan sólarhringinn. Ef þeir treysta sér ekki í svoleiðis viðskipti þá eiga þeir að snúa sér að einhverju öðru. Það er allavegana það sem ég ætla að gera. Ég hringdi í Hive eftir að hafa talað við Skýrr og þeir voru ekki með neitt diss og bögg. Ekkert blokkað og allt í góðum fíling. Ætla að byrja með 10Mb/s tengingu og sjá hvort það nægi mér ekki (ef ekki þá stækka ég í 20Mb/s. Ég læt sko ekki bjóða mér svona rugl.

Þetta þíðir að vísu að það verður sennilega sambandslaust við serverinn minn fram yfir áramót, en þá gæti ég tengst Hive og fengið nýja fasta ip-tölu. Þá ætla ég líka að kaupa mér lén svo þið getið hætt að reyna að muna einhverja leiðinlega talna runu sem er hvort eð er alltaf að breytast.

Þá er bara eftir að velja lénið. Allar tillögur eru vel þegnar. Helst vil ég nota .net endinguna, en aðrar almennar endingar koma líka alveg til greina (.is gengur ekki af því að það er ógeðslega dýrt).

2005-12-11T23:57:00.000Z

Það er einhverra hluta vegna ekki hægt að opna galleryið mitt utan við netið hér heima. Eftir nokkrar misheppnaðar tilraunir til að laga þetta hef ég ákveðið að sofa á þessu og athuga þetta betur í fyrramálið (þ.e. hringja í Skýrr og sjá hvort þeir beri ábyrgð á þessu). Þangað til verðið þið að sætta ykkur við engar myndir og ömurlegheit. Góðar stundir.

2005-12-06T11:05:00.000Z

Ég er búinn að henda fyrstu myndunum úr nýju myndavélinni upp á myndasíðurnar. Ég hef ekki haft nein tíma til að vinna þær neitt ennþá, hef eiginlega ekki gert neitt annað en að vinna undanfarnar vikur, en það lítur út fyrir að þessi törn smá saman fjari út fram að jólum. Það eru því ágætis líkur á því að ég geti tekið mér frí milli jóla og nýárs eins og ég hef haft fyrir venju síðustu ár (enda annað varla hægt þegar flestir vinir manns eru í fríi á þessum tíma.

Myndirnar sem eru komnar er hægt að sjá hér en ég á eftir að fara betur í gegnum þær og henda einhverju út og eflaust prófa að vinna einhverja þeirra í GIMP eða Photoshop. Þetta eru sem sagt mest myndir sem ég tók til að læra á vélina, en ekki myndir sem ég vandaði mig sérstaklega við að taka.

Þetta er einna skemmtilegasta myndin, ég ætlaði að prófa að taka mynd af hádegissólinni þegar þessi Cessna birtist allt í einu á stuttri lokastefnu. Það var sem sagt fyrir algjör heppni að ég náði henni svona skemmtilega beint fyrir neðan sólina.

2005-11-20T12:40:00.000Z

Helgi bróðir var að hringja frá Austurríki. Hann er að koma heim núna á miðvikudagskvöldið og ætlar svo að halda þrenna tónleika hér heima. Þá fyrstu klukkan hálf níu á fimmtudagskvöldið í Félagsheimili Seltjarnarness, þeir næstu verða klukkan 15:10 í beinni útsendingu á rás tvö á föstudaginn og klukkan 22:00 sama kvöld á Gauknum. Svo er diskurinn hans líka að koma út hér heima, þannig að það er allt að gerast hjá littla bróður (þó hann sé reyndar aðeins stærri en ég, bölvaður;).

Endilega reynið að mæta á aðra hvora tónleikana og gefið svo öllum sem þið þekkið diskinn í jólagjöf.

Svo óska ég honum líka til hamingju með afmælið, en hann er 26 ára í dag.

2005-11-19T16:47:00.000Z

Ég ætla að reyna að nota helgina til að uppfæra serverinn minn. Það má því búast við einhverjum truflunum á sambandi við hann í dag eða á morgun. Ég er að taka afrit af öllum mikilvægum gögnum sem er að finna á honum og var að ljúka við að kópera gallerýið ásamt fylgihlutum, það voru ekki nema 6666 skrár samtals um 1.17 GB, þar af voru 6009 myndir (3 myndir fyrir hverja og eina sem er í gallerýinu, ein í frímerkja stærð, önnur eins og hún opnast fyrst og svo ein í fullri stærð). Þetta voru 1.16 GB, mér finst það nú nokkuð gott. 2003 myndir á 7 mánuðum (gallerýið er búið að vera uppi síðan 12. apríl á þessu ári). Nú þarf ég bara að klára að taka afrit af helstu config skrám og þá get ég uppfært. Ef allt fer eins og til er ætlast þarf ég svo ekkert á þessum afritum að halda, en better save than sorry eins og kaninn segir. Það var nú líka alveg kominn tími á að taka afrit af myndunum. Væri ekkert gaman að tapa þeim öllum.

2005-11-17T22:41:00.000Z

Mig langar í vél til að stöðva tímann. Þ.e.a.s. stöðva tímann án þess að ég stöðvist á meðan. Það er svo margt sem ég þarf að komast yfir:

Í fyrsta lagi að sofa út á morgnana. Væri tilvalið að tengja hann við snús takkann á símanum. Forrita símann til að snúsa í tvo klukkutíma í senn og stoppa tímann á meðan. Það væri passlegt.

Svo eru það öll formannsstörfin sem ég er búinn að taka að mér (ég er týpan sem kann ekki að segja nei þegar það er vælt í mér að taka að mér einhver verkefni. Fæ alltaf massa samviskubit ef ég reyni að neita svoleiðis). Ég get alltof lítið sinnt Stjörnuskoðunarfélaginu, hef varla farið út í stjörnukíki í vetur, hvað þá sinnt félagsstarfinu. Húsfélögin (bæði í stigaganginum og bílageymslunni) hef ég svo alveg hundsað... hef ekki haldið svo mikið sem einn einasta stjórnarfund, hvað þá framkvæmt eitthvað.

Nú mig vantar tíma til að sinna tölvunum mínum og tölvuáhuga. Mig langar að uppfæra serverinn minn yfir í á Fedora 4, setja upp sjálfvirka afritunartöku fyrir hann. Setja inn eitthvað vefumsjónarkerfi og heimasíðu og spjall fyrir SAAB klúbbinn, og líka heimasíðu fyrir sjálfan mig. Svo langar mig líka að setja upp Fedora í staðin fyrir Windowsið og læra að vinna myndir með GIMP myndvinsluforritinu. Svo langar mig líka að læra smá forritun, á ágætis bækur um C++ frá því ég skráði mig í tölvunarfræðina hér um árið.

Mig langar að hafa tíma til að æfa Karate. Hef ekki mætt á nema örfáar æfingar síðast árið eða svo (hætti að mæta reglulega á æfingar eftir áramótin).

Til að spila á Klarinettið mitt, og þá helst með einhverri góðri lúðrasveit eða jafnvel sinfóníu (en þá þyrfti ég fyrst að fara í spilatíma og ryfja upp og læra meira á hljóðfærið).

Svo eru það SAABarnir mínir. Mig langar mikið að halda áfram með 99una mína, er búinn að kaupa held ég bara allt sem mig vantar til að gera hana að stórskemmtilegum bíl, það eina sem vantar eins og alltaf er tími til þess. Mig bráð vantar að skipta um bremsuklossa að aftan á CD-inum og liðka eitthvað upp á þeim í leiðinni, en þær eru farnar að liggja utan í disknum hægramegin að aftan og kosta mig ótæpilegt magn af bensíni. Nú og svo bíður Tanngnjóstur alltaf í geymslum fornbílaklúbbsins.

Mig langar að sjá fleiri bíómyndir (er reyndar búinn að vera duglegur að fara á þessu ári. Næstum jafn duglegur og þegar ég var ennþá í MH).

Mig langar að hlusta meira á góða tónlist. Sitja heima og hlusta á góða sinfóníu með gott koníak eða viskí í glasi. Líka að fara á tónleika, hef ekki verið í áskrift hjá Sinfóníunni í mörg ár. Svo er ekkert lítið framboð á rokk og popp tónleikum sem væri gaman að sjá, og jafnvel einstaka metal tónleikar sem slæðast inn á milli.

Bækur, ég væri til í að lesa fleiri bækur. Þá sjaldan að ég næ að lesa eitthvað þá er það á tíma sem ég ætti að nýta í að sofa. Ég kláraði reyndar eina bók fyrir nokkrum dögum. Það var Skuggabox eftir Þórarinn Eldjárn. Hún var frekar undarleg. Ekki ein af hans bestu bókum, enda orðin nokkuð gömul og Þórarinn búinn að æfa sig á mörgum bókum síðan.

Ég var að eignast forláta myndavél sem mig langar að læra á og nota. Það hefur lengi blundað í mér áhugi á ljósmyndum, en ég hef aldrei látið verða af því að fá mér alvöru myndavél fyrr en núna. Vonandi kemur einhverntíman tími til að gera eitthvað í því.

Svo langar mig óskaplega mikið að hafa meiri tíma til að vera með vinum mínum. Bjóða fólki í mat, hittast á pöb á föstudagskvöldi og drekka einn eða tvo bjóra og bara almennt að tjilla.

Uss þetta er orðið alltof langur vælubálkur hjá mér. Löngu kominn tími á að fara að sofa. Svo væri ekkert gott að eiga svona vél. Ég væri löngu orðinn áttræður ef ég ætti hana. *Andvarp*

2005-11-13T23:52:00.000Z

Skoðið Temporary Anesthetics eftir Don Hertzfeldt, því hann er snillingur.

Ég vil þakka Svavari fyrir að benda lesendum sínum (og þar með mér) á ah, l'amour og Rejected eftir Don, fyrir nokkrum árum síðan.

Ég er sem sagt búinn að vera að taka til á Windows tölvunni minni og sjá hvað ég vill geyma áður en ég hreinsa allt út af henni og set upp á henni Linux. Það var við þessa hreinsun sem ég fann þessar tvær æðislegu stuttmyndir aftur.

Hef ekkert meira að segja. Bæ.

2005-11-08T23:01:00.000Z

Ég keypti mér myndavél í dag. Þetta gerðist frekar spontant. Ég var að grúska á partalistanum að leita að tölvu til að nota í frekari linux tilraunir. Tölvan sem ég keypti í það er orðin alltof upptekin í að vera server til að ég taki hana í svoleiðis. Svo væri líka tilvalið að nota auka tölvuna í afritunartöku. Gengur ekki að vera að hosta fullt af myndum án þess að taka afrit reglulega.

Nú þar sem ég er að renna yfir úrvalið að tölvum á partalistanum rekst ég á auglýsingu fyrir Canon EOS 350D, en það er myndavél sem ég hef horft töluvert til. Eins og glöggir lesendur vita þá átti ég til skamms tíma í vor og sumar, ódýra digital vél úr Elkó. Sú vél endaði svo æfi sýna milli stafs og hurðar á Renault Mégan úti í Malmö í sumar. Það var þó ekki mikill skaði skeður þar sem vélin sú var bæði ódýr og ómerkileg (þrátt fyrir að hún hafi nú tekið ágætis myndir í þeim aðstæðum sem hún réð við). Þessi stutta reynsla mín af Elkó vélinni (Olympus C-310 ZOOM) sýndi mér hvað það er sem ég vil sjá í myndavél (og Olympus vélina vantaði), en þar efst á blaði var hraði. Að maður geti verið snöggur að kveikja á vélinni og taka mynd. En Olympus vélin var svo lengi að því að myndefnið var oftar en ekki löngu farið þegar myndin var loksins tekin.

Canon vélin er búin að vera "raunhæfa" drauma vélin frá því að Olympus vélin gaf upp öndina, en aðrar vélar sem ég hefði haft áhuga á (eins og Canon 20Da) eru ekki raunhæfur kostur þar sem þær eru svo miklu dýrari. Ég fékk vélina allavegana á góðu verði og er mjög ánægður. Þið megið því búast við því að það bætist eitthvað í Gallerýið á næstunni. (o:þ

2005-11-02T22:59:00.000Z

Búinn að laga gallerýið. Kíkið á það!

2005-11-02T00:14:00.000Z

smá viðbót.

Cyanide and Happiness er mikil snilld. Tékkið á því.

2005-11-01T23:58:00.000Z

Sælt veri fólkið. Eins og glöggir lesendur hafa tekið eftir, þá hefur ekki verið samband við netserverinn minn síðustu daga. Þetta er vegna breytinga sem eru að verða á nettenginunni minni, en OgVodafone hætti að selja nettenginu undir nafni linu.net (en ogvodafone eignaðist línu.net í einhverjum skulda skiptum við orkuveituna eða eitthvað í þeim dúr). Þetta hefði þó ekki átt að hafa í för með sér sambandsleysi fyrir mig. Aftur á móti var Orkuveitan á sama tíma að endurnýja allan endabúnað á ljósleiðaranum og það hefur valdið þessum truflunum á netsambandinu mínu (hef ekki haft samband nema ca. helminginn af október). Þetta er aftur komið í lag í bili og er ég kominn með nýjustu græjur og nettenginu hjá Skýrr. Þetta er mér að kostnaðarlausu fram að áramótum, en þá verður farið að rukka fyrir þessar tengingar. Nú þegar eru nokkrir aðilar farnir að bjóða tengingar í gegnum ljósleiðaran, og ætla ég á næstu dögum að leita tilboða hjá þeim. Þegar ég verð svo búinn að ákveða hvert ég beini viðskiptum mínu þá ætla ég að drífa í að skrá mig þangað svo ég fái endanlega ip-tölu svo þið, notendurnir á servernum mínum, þurfið ekki að verða fyrir frekari truflunum. Þegar þessi mál verða svo frá gengin ætla ég að annaðhvort kaupa mér lén svo þið getið hætt að þurfa að muna ip tölur endalaust enda eru þær leiðinlegar.

IP-talan sem ég er með þessa stundina er 82.221.56.31 og verður hægt að nálgast myndiragalleríið þangað um leið og ég er búinn að finna út hvernig á að setja inn nýja ip tölu í gallery.

2005-10-12T13:37:00.000Z

Eftir maraþon vinnudag í fyrradag (vann í nítján [19] tíma, persónlegt met á einum sólarhring held ég bara) átti ég frí í gær. Ég nýtti því fríið að sjálfsögðu í að lóða MegaSquirtið mitt saman. Það var nú heldur meira verk en ég hélt, ég lóðaði frá eitt til hálf níu með einni stutti pásu til að gleypa í mig skúffuköku og mjólkurglas. Var ég orðinn ansi þreittur þegar þetta loks hafðist, en það hafðist, og ég er ánægður :)

Þegar ég stökk svo í tölvuna til að prófa gripinn mætti mér spjall gluggi frá Daniel Fischer .
Hann var þá í miðju kafi að setja MegaSquirt í 8 ventla túrbó SAABinn sinn. Hann ætlar að MSnS kóðan og bara stjórna kveikjunni til að byrja með (soldið meira verk að bæta við innspítingunni á 8 ventla bílunum eins og Birkir veit manna best. Hann var kominn öllu lengra en ég og byrjaður að tengja allt í bílinn. Þetta ætti því að fara að detta í gang hjá honum hvað úr hverju. Sem er gott.

En það sem meira er um vert þá gat hann bent mér á mann sem er að stjórna DI kassettunni í gegnum MegaSquirt. Ég ætla að setja mig í samband við þennan mann og sjá hvort hann geti ekki gefið mér smá leiðbeiningar um hvernig sé best að snúa sér í þeim efnum. Það væri nefninlega alveg wicked að setja DI í 99una svona til að toppa allt í flottheitum (og til að tryggja að ég verði á hraðskreiðari SAAB en Birkir... MUHAHAHAHA! Þú nærð mér aldrei, ALDREI! *geðveikisglampiíaugum*).

2005-10-05T23:39:00.000Z

Ég reyndi frekar veikum mætti að setja 99una í gang í gær. Hún startaði rosa fínt þegar nýhlaðinn geymirinn var settur í hana, en ekki dugði það til þess að hún færi í gang. Þar sem ég var einn að þessu gat ég ekki athugað hvort að kertin gæfu neista, og ekki fann ég neina bensínlykt. Ég greip því tækifærið þegar Birkir bað mig um að taka smá rúnt með sig í SAABinum mínum (greyið á engan gangfæran SAAB og þjáist af fráhvarfseinkennum. Það minnsta sem maður getur gert er að keyra smá rúnt með hann öðru hvoru) og brunaði með hann í bílageymslunna. Í þetta skiptið kipptum við með okkur startvökva. Það kom strax í ljós að SAABinn neistaði ekki neitt. Því var þó fljót kippt í liðinn. Þegar neistinn var kominn var ekkert því til fyrirstöðu að skjóta góðum sjúss inn á soggreinina og... vrúmmm vrrrrrúúúmmmm! Hún hrökk í gang eins og henni hefði síðast verið startað í gær. Þíður og góður gangur og allt hið besta mál. Eini gallinn var að þetta gerði hún eingöngu svo lengi sem maður sprautaði startvökvanum inn á soggreinina (eða þar til hún spúði eldi út úr blöndungnum og sveið öll hárin af hægri hendinni á mér). Við nánari athugun kom í ljós að ekkert bensín kemur frá tanknum og verður það næsta mál að finna út úr því. Ætla að leita ráða hjá mér fróðari mönnum um blöndungsvélar áður en reynt verður aftur.

Í öllu falli er ég sáttur við afrakstur kvöldsins (þrátt fyrir hræðilega sviðafýlu af hendinni).

2005-10-04T00:04:00.000Z

Þá er Tanngnjóstur farinn í geymslu hjá Fornbílaklúbbnum. Ég og Birkir "drógum" hann upp í Esjumel þar sem hann gistir núna geymslu í góðum félagsskap Saab Sonett og fleiri góðra bíla. Ég færði svo 99una yfir í stæðið mitt í bílageymslunni, og ætla að fara að hefjast aftur handa við að koma henni í gagnið. Mig langar að prufa að koma B mótornum í gang og sannreyna hvort hann fari ekki örugglega að leka áður en ég skipti honum út. Ég hirti í þessum tilgangi batteryið úr Tanngnjósti og ætla að reyna á morgun að starta honum.

Í öðrum fréttum þá kláraði ég plötuvinnu í skólanum á þriðjudaginn, og svo hlíðgassuðuna í kvöld, þannig að nú eru bara tvö fög eftir. Logsuða sem ég byrjaði á í kvöld (ekkert svo erfið þegar maður er búinn að TIG sjóða, var töluvert erfiðari á stutta suðunámskeiðinu sem ég tók í fyrra), og grunnteikning. Ef ég er rosalega duglegur þá get ég tekið próf í grunnteikningunni 12. október, en þá stendur og fellur með því hvort ég næ að klára allar teikningarnar fyrir þann tíma. Annars tek ég prófið í desember.

Læt þetta nægja í bili, kem með 99 fréttir á morgun.

2005-09-26T22:27:00.000Z

Ég verð að viðurkenna það að ég hef alltaf soldið gaman af svona online persónuleika prófum, þó svo að þau segi manni ekki neitt sem maður veit ekki fyrir.

http://www.bbc.co.uk/science/humanbody/mind/surveys/whatamilike/index_5.shtml?personality_type=resolver

2005-09-13T17:02:00.000Z

Hvað ætli stór prósenta af öllum bloggfærslum í heiminum byrji á afsökun á því hvað það er langt síðan viðkomandi bloggaði síðast? Mín afsökun er sú sama og flestra; hef haft mjög mikið að gera undanfarið. það hefur verið unnið grimmt í Saabinum hans Birkis og stefnir jafnvel í að stóru orðin standi og Saabinn fari í gang á morgun (miðvikudag). Þessu til viðbótar er ég svo byrjaður í kvöldnámi í Borgarholtsskóla. Er að taka þá áfanga í grundeild bíliðna sem ég fæ ekki metna, þetta eru: Hlífðargassuða (rafsuða), logsuða, plötuvinna og grunnteikning. Tímarnir eru kenndi á mánudögum, þriðjudögum og miðvikudögum frá sex til hálf ellefu. Þetta eru því ansi langir dagar, en á móti kemur að bæði plötuvinnan og grunnteikningin klárast í október. Suðuáfangarnir á miðvikudögum eru út alla önnina. Hvað ég geri svo í framhaldinu verður að koma í ljós. Er aðeins að gæla við hvort ég eigi að halda áfram í bifreiðasmíð eftir áramótin, en þá þyrfti ég að skipta yfir í dagskóla og þar af leiðandi að gera einhverjar ráðstafanir með vinnuna. En það kemur allt í ljós.

Er byrjaður að setja saman MegaSquirtið, en af fyrrgreindum ástæðum er það ekki nema rétt komið af stað.

2005-08-24T22:33:00.000Z

Ryan Emge sem ég hitti úti í Trollhättan er búinn að setja upp heljarinnar SAAB video safn á netinu. Síðuna er að finna á www.saabvideos.com og legg ég til að allir drífi sig þangað að sækja sér nokkur vel valin SAAB video. Passið ykkur bara á að sum þeirra eru ansi stór og upload hraðinn frá servernum hans er ekkert alltof mikill, þannig að það getur tekið dá góða stunda að sækja svo sem eina 500MB skrá. En það er samt ekkert sem sannur SAAB aðdáandi lætur stöðva sig.

2005-08-23T00:06:00.000Z

þrátt fyrir að ég hafi nú ferðast ansi víða, þá er samt helvíti mikið eftir!

create your own visited country map

2005-08-17T23:05:00.000Z

Pústhitaskynjararnir komnir. Búinn að panta MSII ásamt LC1. Núna er bara að drífa SAABinn hans Birkis saman svo ég geti helt mér í að klára 99una. Það er svo sem ekki mikið eftir, bara klára bévítans teppið og þá má henda sætunum aftur í, svo vantar mig bensíndælu sem ræður við innspítinguna, en það er ekki mikið mál að útvega svoleiðis. Þá þarf ég að tengja tilbaka bensínslönguna við bensíntankinn. Þá er bara mótorinn eftir, og það er nú ekki mikið mál að henda einum svoleiðis saman. Gæti orðið smá maus að koma honum í bílinn. Þarf að breyta eitthvað mótorfestingunum, en ekkert sem góðir menn ráða ekki við.

En af því að ég er búinn að vera að kaupa svo mikið af netinu þá er tilvalið að telja upp alla hlutina sem mig langar í til viðbótar.

Nú fyrst má telja myndavél, en ég braut ódýru digital vélina mína úti í Malmö og er það Birki að þakka að ég gat samt tekið fullt af myndum í ferðinni. En myndirnar úr ferðinni sem er að finna á myndasíðunum voru allar teknar á vélina sem ég keypti fyrir hann úti. En hafandi fengið smá reynslu af því að eiga ódýra drasl vél, og svo afnot af töluvert mikið betri vél (en samt svona vasa vél) þá er ég alveg búinn að sjá út (sem ég vissi svo sem fyrir) að ég þarf að eiga stóra, öfluga vél. Ekki eitthvert smá kríli sem er hálf náttblint sökum lítillar linsu og tekur margar sekúndur í að taka hverja mynd. Það hefur lengi blundað í mér ljósmyndaáhugi og því langar mig að fá mér svona myndavél. Ekki of stór og klossuð, en samt hágæða vél sem hægt er að fá topp linsur fyrir og ekkert rugl.

Svo langar mig óskaplega mikið í annan SAAB. Nánar tiltekið Sonett III. Ég er búinn að vera alveg veikur fyrir þeim frá því að ég fyrst uppgötvaði tilvist þeirra. Í fyrra var eini Sonett SAABinn á landinu til sölu. Ég fór og prufukeyrði hann og fór strax í bankann og hækkaði yfirdráttinn upp úr öllu valdi svo ég gæti keypt hann. En þá tók skynsemin yfirhöndina, enda hef ég ekkert að gera við hann. Hef ekki pláss til að geyma hann eða neitt.... langar samt ofsalega mikið í hann. Ég keypti mér reyndar Sonett úti í Trollhättan, en það var bara svona Sonett. Hann er rosa flottur, en það er samt ekkert hægt að keyra hann nema í huganum. Þessi eini Sonett sem til er hérna heima er aftur til sölu núna.

En nú er klukkan orðin margt þannig að ég verð bara að klára þennan óskalista síðar. Hér er einn lagatexti handa ykkur í staðinn:

Desperado
Johnny Cash
Desperado, why don't you come to your senses? You been out ridin' fences for so long now. Oh, you're a hard one, But I know that you've got your reasons. These things that are pleasin' you, Can hurt you somehow. Don't you draw the queen of diamonds, boy, She'll beat you if she's able. Know the queen of hearts is always your best bet. Now it seems to me, some fine things, Have been laid upon your table. But you only want the things that you can't get. Desperado, oh, you ain't gettin' no younger: Your pain and your hunger, they're drivin' you home. And freedom, oh freedom, Well, that's just some people talkin' Your prison is walking, Through this world all alone. And don't your feet get cold in the winter time? The sky won't snow, the sun won't shine It's hard to tell the night time from the day You're loosin' all your highs and lows Ain't it funny how the feeling, Goes away? Desperado, why don't you come to your senses? Come down from your fences, and open the gate It may be rainin', but there's a rainbow above you, You better let somebody love you, You better let somebody love you, You better let somebody love you, Before it's too late.

2005-08-13T01:30:00.000Z

Ég á von á þessu í pósti:

Pústhitaskynjurum, fimm stykkjum. Fyrir mig Birki, Nóna, Gunna og Óla.

AD595CQ mögnurum fyrir pústhitaskynjarana. Líka fimm af þeim á leiðinni.

Svo er sitt lítið af hverju á leiðinni frá eEuroparts.com.

Þessu til viðbótar ætla ég svo að panta MegaSquirtII ásamt v3.0 pcb (er ekki til eitthvað gott íslenskt orð yfir þetta? Íhlutaspjald? Tölvuspjald?) og LC-1 WB controller og LSU4.2 WB skynjara. Panta þetta allt frá http://diyautotune.com. Hendi pöntuninni út á morgun þegar það verður runnið af mér. Kann ekkert góðri lukku að stýra að fara að panta á netinu eftir fyllerí. Svoleiðis nokkuð endar bara með ósköpum.

Svona í lokin vil ég svo vekja athygli á SAAB samkomu á Sunnudaginn. Allar upplýsingar er að finna hjá Nóna. Allir að mæta á Sööbunum sínum (helst stífbónuðum og fínum).